2023-yilning kutilayotgan eng yaxshi portativ o‘yin konsollaridan biri: Sony Q Lite

Geyming

07 aprel, 10:17

Sony PlayStation Q Lite portativ oʻyin konsoli PS5ga ulanib ishlatiladi hamda oʻyinlar Remote Play orqali boshqariladi. Eng muhim ustunligi esa, katta ekran va asosiy DualSense texnologiyasiga egaligida.

Sony mutlaqo yangi PlayStation ishlab chiqayotgani va u PS5 Prodan ham oldin taqdim etilishi haqida xabar bergan edik.

Ayni kunlarda jurnalist va insayder Jef Grab hamda Tom Xenderson rasmiy taqdimoti tobora yaqinlashayotgan kelayotgan Sony portativ pristavkalari haqida maʼlumotlarni oshkor qilishda davom etmoqda. Xendersonning soʻzlariga koʻra, loyiha PS Vita yoki Steam Deck’ka toʻgʻridan-toʻgʻri raqobatchi boʻlolmaydi.

Baʼzi mish-mishlarga koʻra, yangi PlayStation konsoli qanday nomlanmasin, bulutli konsol boʻlolmaydi. Lekin bu hozircha noma’lum — chunki Sony PlayStation 5da bulutli xotiraga bo‘lgan. Bundan tashqari, u umuman mustaqil qurilma emas deyilmoqda: Q Lite oʻyinlarni Remote Play funksiyasi orqali boshqara oladi, yaʼni uning ishlashi uchun PlayStation 5 kerak boʻladi.

Pristavka uyali modemga ega boʻladimi yoki yoʻqmi, aniq emas. Aks holda, bu undan foydalanish imkoniyatlarinj yanada cheklaydi. Xenderson, shuningdek, qurilma 60 kadr tezlikda Full HD piksellar sonini olishga qaratilganini aytmoqda. Tashqi tomondan, prototiplar Dualsense kontrolleriga juda oʻxshash, ammo kattaroq ekranga ega. Yuqoridagi rasmda siz Henderson tavsifiga koʻra yaratilgan konsepsiyani koʻrishingiz mumkin.

Prototip konsoli juda katta sakkiz dyuymli ekran bilan jihozlangan. Konsol shuningdek, asosiy DualSense texnologiyalariga ega: moslashuvchan triggerlar va puxta ishlaydigan qayta aloqa tizimi bor.