Samsung direktori Appleʼning kelgusi rejalari haqida bashorat qildi

Biznes

30 iyul, 15:19

Kompaniya rahbari o‘z nutqida raqibining nozik tomonlarini bilishini, hali Apple ishlab chiqarolmagan buklamafonlar borasida Samsung ilg‘orlikni bermasligiga ishora qildi.

Apple ham buklanadigan smartfon ishlab chiqara oladimi?

Yaqinda bergan intervyusida Samsungning mobil texnologiyalar boʻyicha rahbari Jeyms Kitto, “Apple innovatsiyalar borasida hamisha orqada, ishonchim komilki, kun kelib buni Amerikadagi doʻstlarimiz tushunishadi”, dedi.

Buklanadigan qurilmalar yangilik emas, aslida ular Samsung kompaniyasining saʼy-harakatlari tufayli koʻp yillardan beri mavjud.

Ayni paytda kompaniya bunday qurilmalarni Osiyodan tashqarida ham ommalashishi uchun astoydil intilishmoqda.

Apple esa kelgusida oʻz mahsulot qatoriga buklamafonlarni qoʻshishga tayyorgarlik koʻrayotgani haqida mish-mishlar koʻpayib bormoqda. Hozircha Apple buklamafon ishlab chiqarmagan yagona yirik smartfon ishlab chiqaruvchisi hisoblanadi.

Canalys texnologiya tadqiqot kompaniyasining maʼlumotlariga koʻra, buklanadigan telefonlar bozori 2023-yilda dunyo boʻylab sotiladigan barcha smartfonlarning bir foizini tashkil qiladi.

Biroq, bu Apple kompaniyasini bunday qurilmaga patent berishdan toʻxtata olmadi.

Tahlilchilarning fikricha, texnologiya giganti buklamafonlarni smartfon emas balki iPad planshetlari koʻrinishida ishlab chiqarishi mumkin.

Qurilmaning turidan qatʼi nazar, Apple tezda harakat qilishi kerak, chunki Samsung buklamafonlar borasida allaqachon katta rejalar tuzib qoʻygan.

Kittoning taʼkidlashicha, oʻn yillikning oxiriga kelib Samsung smartfonlari buklanadigan va tekis telefonlardan tashqari turli shakllarda ham taqdim etiladi.

Kompaniya allaqachon aylanma, aylantiriluvchi va silliq displeyli smartfonlar uchun koʻplab patentlar topshirgan.