Apple bosh direktori 1987-yilda chiqarilgan Macintosh’ni koʻrib hayratga tushdi

18-aprel kuni Apple bosh direktori Tim Kuk Hindistonga kompaniyaning yangi filiali ochilishi munosabati bilan tashrif buyurdi. 

Gap mahalliy UX dizayneri Sajid kutilmaganda qoʻlida 1987-yilda ishlab chiqarilgan Macintosh SE kompyuteri bilan paydo boʻlgani haqida ketmoqda. Apple rahbari bunday topilmani koʻrib hayratga tushdi. Apple asoschilaridan biri Stiv Jobs uslubida kiyingan Sajid Kuk bilan suhbatlashib suratga tushishga muvaffaq boʻldi. Kuk Macintosh SE’ga o‘z dasxatini qo‘yib berdi.

Maʼlumot uchun, Macintosh SE 1987-yil mart oyida Apple tomonidan chiqarilgan va Macintosh II bilan bir vaqtda taqdim etilgan. Macintosh SE 1990-yilda bir xil protsessor va shaklga ega, arzonroq Macintosh Classic bilan almashtirilgan. Shundan sakkiz yil oʻtgach, Stiv Jobs Kukdan Apple kompaniyasiga qoʻshilishni soʻragan va uning birinchi lavozimi global operatsiyalar boʻyicha katta vitse-prezident boʻlgan.

Avvalroq Giglink.uz iPhone deyarli ishlatmaydigan va elektron pochtasini hech kimdan yashirmaydigan Tim Kuk Appleʼning eng noodatiy rahbari sifatida e’tirof etilishi haqida yozgan edi.