Vertolyotdan tashlab yubormasangiz boʻldi: Toyota Hilux mashinasi xavfli sinovdan oʻtkazildi

AQShdagi Whistlin Diesel kompaniyasi chidamlilik va ishonlilik darajasini sinab koʻrish uchun yangi Toyota Hilux sotib olishdi.

Sinov muddati haqida Detveyler: “Testni bir inson 25 yil ichida mashina bilan qilishi mumkin bo‘lgan barcha ishlarni bir kunda bajarib koʻramiz”, — dedi.

Avvaliga ular mashinaning eshiklarini bor kuch bilan qarsillatib yopib, ichiga 2500 funt gʻisht yuklab, havoda uchib ketadigan darajada qattiq itarib yuborishdi. Natijada Detveylerning Hiluxʼni daraxtga borib urildu va ramasi ozgina qiyshayganidan,boshqa o’zgarishlar sezilmadi.

“Men hech qachon mashina bunday ”xo‘rlangandan” soʻng hech narsa boʻlmaganday ishlashini koʻrmaganman, u aql bovar qilmaydigan darajada bardoshli”, — dedi u.

Ikkinchi sinovda yigitlar “oʻrtacha avtohalokat”ni simulyatsiya qilib ko‘rdi.

Detveyler mashinani yon tomoniga agʻdarib tashladi. Natijada old oynasi sinib ketdi, ammo qolgan qismiga xech narsa boʻlmadi.

Keyin Toyota Hilux’ning 13 tonna ogʻirlikni tortish qobiliyatini sinab koʻrishdi. 8 tonnalik Hilux 13 tonnani osongina tortib olishi, tabiiyki, unchalik ajablanarli bo‘lmadi.

Dastlab, Hilux Raptorni osongina tortib oldi, lekin so‘nggida arqon tortishuvda Raptor gʻalaba qozondi.

Sinov dunyodagi eng qiyin yoʻllarga ega boʻlgan Yuta shtatining Moʻab shahrida boʻlib oʻtdi.

Ular uni nafaqat katta toshlar ustida ishga tushirishdi, balki deyarli vertikal tushishda ham sinashadi va, albatta, Hilux sinovdan oʻtdi.

Oxirgi sinov.

Detveyer va uning jamoasi Hiluxni 3 km balandlikdan tashlab koʻrishga qaror qildi. Buning uchun mashina 1.5 kmʼdan tashlab yuborildi: natija esa anchayin achinarli boʻldi. Yuk mashinasi yerga urilib butunlay vayronaga aylandi. Ammo yigitlar sinovni toʻxtatishni oʻrniga, mashinani yana 3 km balandlikka koʻtarib yana tashlab yuborishdi. Nima deb oʻylaysiz? — tabiiyki, mashinaning chalpagi chiqdi.

Mazkur 1 kunga sig‘dirilgan 25 yillik foydalanish sinovidan xulosa qilsak, Toyota Hilux “uni vertolyotdan tashlab yubormaguningizgacha”, chidamli va beminnat xizmat qilar ekan.