Toyota 100 km masofani bosib oʻtuvchi yuk elektrovelosipedini ishlab chiqardi
04 fevral, 11:40Toyota France kompaniyasi Burgundiyadagi yuk velosipedlarini ishlab chiqaruvchi Douze Cycles kompaniyasi bilan hamkorlikda 100 kilogrammgacha yuk koʻtara oladigan platformaga ega elektr velosipedni ishlab chiqardi.
Yangi model Yamaha dvigateli bilan jihozlangan va 100 kilometrgacha yetadigan quvvat zaxirasiga ega.
Ikki gʻildirakli avtomobil Fransiyada ishlab chiqarilgan quyma alyuminiy ramkaga ega. U shunday tuzilganki, haydovchi oldida bir necha usulda foydalanish mumkin boʻlgan platforma hosil boʻladi. Bu velosipedda nafaqat turli xil yuklarni tashish mumkin, balki, maxsus alyuminiy toʻsiqli maxsus qutida bolalarni ham tashish mumkin.
Velosiped balandligini haydovchi boʻyiga moslash mumkin. 250 Vt quvvatga ega Yamaha motori 500 Vt quvvatga ega batareyalar bilan birlashtirilgan va oddiy maishiy rozetkadan 4 soat ichida 100% gacha quvvatlanadi.
Boshqaruv va haydash uchun qulayligidan tashqari, elektrovelosiped gidravlik tormozlar, svetodiod yoritkich tizimi, 80 mm pnevmatik vilka hamda Pick-Up yuk mashinasi shinalari bilan jihozlangan. Elektrovelosiped tez orada Toyota France dilerlik markazlarida sotuvga chiqariladi. Narxi haqida hozircha maʼlumot yoʻq.
Mavzuga oid
Soʻnggi yangiliklar
09 iyul, 10:52
02 iyul, 14:29
25 iyun, 11:07
24 iyun, 14:41
