“Yulduzlar urushi” real hayotda: yarim million dollarlik uchar mototsikl namoyish qilindi

Aerwins Technologies kompaniyasi yaqinda Abu-Dabida uchar velosipedni namoyish qildi. Biroq bu qurilma “yangi avlod transporti” deb atalmoqda.

Esingizda bo‘lsa, Facebook’da mutlaqo mavjud bo‘lmagan uchar mashina — “Mohishwa JRR4 (1976)” reklamasi yuzlab kishilarni chuv tushirgani haqida xabar bergandik, bu safargi texnika esa haqiqatda bor va allaqachon sotib olish mumkin.

Havo kreyseri nafaqat fantastik koʻrinishga ega, balki ajoyib muhandislik namunasi ham hisoblanadi.

XTurismo deyarli 100% uglerod tolasidan tayyorlangan, jumladan korpus, boshqaruv paneli va propellerlari ham aynan shunday toladan ishlab chiqilgan.

Mototsikl markazida tortishish va balandlikda muvozanatni toʻgʻri ushlab harakatlanishi uchun ikkita katta dvigatel bilan boshqariladigan propellarga ega.

Shuningdek, uchish yoʻnalishidan chiqib ketmasligi uchun toʻrtta kichikroq, akkumulyator bilan ishlaydigan propeller bilan jihozlangan.

Uchar mototsikl taxminan 80 km/soat tezlikka erisha oladi va bir martalik yonilgʻi sarflanadigan maksimal masofa 40 daqiqani tashkil qiladi. Velosipedning ogʻirligi 300 kg bo‘lib, havoda 20 metr balandlikda harakatlana oladi.

Shunga qaramasdan, kompaniya XTurismo yerdan bir necha metr balandlikda uchish uchun moʻljallanganligini aytmoqda.

Yangi havo kreyseri qidiruv-qutqaruv operatsiyalarida ishtirok etish moʻljallanganligi aytilmoqda. Kompaniya mototsiklni Birlashgan Arab Amirliklarida ishlab chiqarishni yoʻlga qoʻymoqchi.

Mabodo siz ham shunday mototsiklga ega boʻlishni istab qolgan boʻlsangiz, u holda hoziroq yangi Ferrari uchun pul yigʻishni boshlang, chunki ajoyib uchar transport narxi oz emas, koʻp emas, naqd 555 000 dollarga teng.

Model soni esa cheklangan ekzemplyarda ishlab chiqariladi.

Orqa fonda qor bilan qoplangan Fudzi togʻi tasvirlangan surat esa, mototsikl kuchini yanada boʻrttirib, hayratlanarli qilib koʻrsatadi.

Avvalroq uy sharoitida yasalgan 5 ta ajabtovur vertolyot modeli haqida ma’lumot berilgan edi.