Oʻzbekistonda rasman sotuvga chiqarilgan EXEED avtomobillari narxi qancha?

Avto

27 iyun, 11:46

Bugungi kunda uchta model sotuvga chiqarilgan boʻlib, ularning barchasi krossoverdir.

24-iyun kuni Oʻzbekistonda EXEED avtomobillari savdosi boshlandi. Taʼkidlash joizki, Exeed mashinalari premium avtomobillar safiga kiradi.

Maʼlumot uchun, Exeed 2018-yili Xitoyda Chery Automobile tomonidan asos solingan avtomobil kompaniyasi boʻlib, Oʻzbekistonda Asaka Motors bilan hamkorlik qiladi.

Narxlar:

• EXEED LX — 340 000 000 soʻmdan;

• EXEED TXL — 516 000 000 soʻmdan;

• EXEED VX — 654 000 000 soʻmdan.

Brend oʻz avtomobillariga yetti yil yoki 200 ming kilometr masofa kafolat beradi.

LX

147 ot kuchiga ega dvigatelli ixcham model, 100 km uchun yoqilgʻi sarfi — 6,6 litrdan. Narxlari 340 mln soʻmdan.

TXL

186 ot kuchiga ega dvigatelli oʻrta oʻlchamli model, 100 km uchun yoqilgʻi sarfi — 6,4 litrdan. Narxi 516 mln soʻmdan.

VX

Bu 249 ot kuchi (ot kuchi) dvigateliga ega boʻlgan toʻliq oʻlchamli SUV flagmanidir. 100 km uchun yoqilgʻi sarfi — 7,3 litrdan. Narxi 654 mln soʻmdan.

Qizigʻi shundaki, barcha mashinalar shu yerda, Oʻzbekistonda, may oyida ishga tushirilgan Sirdaryodagi zavodda yigʻiladi. Ammo kelajakda toʻliq tartibda ishlab chiqarish rejalashtirilgan.

Ayni paytda Toshkent shahrida ushbu brendning ikkita dilerlik shoxobchasi ochilgan boʻlib, sotuvda tayyor avtomobillar borligi maʼlum qilingan.