Oʻzbekistonda Exeed zavodi ochilishi rejalashtirilmoqda. Qurilish jihozlari allaqachon olib kelingan

Avto

01 mart, 17:25

Oʻzbekiston bozoriga 7 ta elektromobili bilan rasman kirib kelgan Exeed ayni paytda yangi avtomobil zavodi qurishga tayyorgarlik ko‘rmoqda. Zavod bahor oylarida ochilishi mumkin.

Hozirda Toshkentdagi boʻlajak sanoat maydoniga uchun zarur jihozlar yetkazib berilmoqda. Asaka Motors International distribyutor kompaniyasining China Automobiles nashriga maʼlum qilishicha, Oʻzbekistonda Exeed zavodini ishga tushirish ishlari qizgʻin davom etmoqda. Yuk koʻtarish uskunalari, turli xil avtomobil parametrlarini sinab koʻrish uchun maxsus uskunalar allaqachon oʻrnatilgan.

Exeed kompaniyasining Osiyo va Tinch okeani mintaqaviy direktori Jeff Lyu oʻtgan haftada amalga oshirilayotgan ishlar bilan tanishib chiqdi.

“Oʻzbekiston jadal rivojlanayotgan bozor, bu yerda yangi avtomobillarga qiziqish muttasil ortib bormoqda. Oʻylaymanki, oʻzbek avtomobil ishqibozlari Exeed avtomobillarining barcha afzalliklarini qadrlashadi”, — dedi Jeff Lyu.

Top-menejerning tashrifi davomida brendning Oʻzbekistondagi rejalari qisman maʼlum qilindi, unga koʻra, Exeed zavodi dastlab yiliga 5 mingta avtomobil yigʻish imkoniyatiga ega boʻladi. “Asaka Motors International” bosh direktori oʻrinbosari Akramjon Toʻxtaboyevning soʻzlariga koʻra, kelgusida ishlab chiqarish quvvatini yiliga 20 ming donaga yetkazish rejalashtirilgan.

Exeed avtomobillari Oʻzbekistondan tashqi bozorlarga eksport qilinadimi yoki yoʻqmi, hozircha maʼlum qilinmagan. Biroq, korxonaning dizayn parametrlari, mahalliy bozordan ham kattaroq muhitga yetadigan hajmni qamrab olishga qaratilganini sezish mumkin. imkoniyatlaridan oshib ketadi.

Maʼlumot uchun, avvalroq Oʻzbekistonda Exeed avtomobillari sotuvi mart oyida boshlanishi haqida xabar berilgandi. Bunda uchta model — VX, TXL va LX krossoverlarini xarid qilish mumkin boʻladi.