Omoda va Jaecoo Oʻzbekiston bozoriga tez orada kirib keladi
11 may, 10:30Xitoyning Chery International avtomobil konserni Oʻzbekiston bozoriga ikkita yangi brend – Omoda va Jaecoo’ni taqdim etishga hozirlik koʻrmoqda. Sotuv 2023-yil avgust oyida boshlanadi.
Omoda Chery brendining premium segmenti sifatida ishlab chiqariladi.
Yozda Oʻzbekistonda flagman sport krossoveri Omoda C5, shuningdek, Jaecoo brendining ikkita modeli: JAECOO 7 va JAECOO 9 krossoverlari taqdim etiladi.
Barcha avtomobillar Xitoydagi Chery zavodlarida ishlab chiqariladi.
Omoda 5
Omoda brendining nomi “yangi” maʼnosini bildiruvchi “O” harfidan va Moda soʻzi — “moda trendi” dan iborat.
Modelning Art in Motion (“harakatdagi sanʼat”) uslubidagi rangi va shakli ustida Chery bosh dizayneri Stiv Xum ishlagan.
Chery'ning ma’lum qilishicha, avtomobil Pifagorning oltin qoidasiga asosan ishlab chiqilgan, Omoda balandligi va kengligi nisbati 0,8677ga teng.
Omoda 5 ning ichki qismida haydash, iqlim va koʻngilochar sozlamalarni boshqarishni taʼminlaydigan ikkita oʻrnatilgan 10,25 dyuymli yuqori aniqlikdagi raqamli ekran mavjud.
Chery bosh dizayneri Richard Koo eksport bozorlari uchun yangilangan asboblar paneli, markaziy konsol va eshik qoplamasiga ega maxsus interyer variantini ishlab chiqdi.
Orqa oʻrindiqlar tik holatda boʻlsa, bagaj boʻlimi hajmi 378 litrni, orqa oʻrindiqlar buklangan holda esa 1075 litrni tashkil qiladi.
Omoda 5 ikkita dvigatel va transmissiya bilan jihozlangan:
- 147 kVt (200 ot kuchi; 197 ot kuchi) va 290 Nm aylanish momentiga ega 1,6 litrli turbo quvvatli ACTECO TGDI “Kunpeng Power” SQRF4J16 dvigateli. Bu dvigatel 7 pogʻonali ikki muftali avtomat uzatmalar qutisi bilan birlashtirilgan.
- 108-115 kVt (147-156 ot kuchi) va 230 Nm aylanish momentiga ega 1,5 litrli turbo quvvatli SQRE4T15C dvigateli uzluksiz oʻzgaruvchan transmissiya (variator, CVT) bilan birlashtirilgan.
Rossiyada Omoda C5 narxi 29 000 dollardan boshlanadi. O‘zbekistondagi narx hozircha ma’lum emas.
JAECOO krossoverlari
Jaecoo sub-brend Omoda kompaniyasining tarmogʻi sifatida taqdim etiladi. Yangi brendning avtomobillari oʻz dizayniga ega boʻladi, ammo Omoda singari Chery texnologiyalari va platformasida ishlab chiqariladi.
Shunday qilib, Jaecoo 7 — bu oʻzgartirilgan Chery TJ-1, 9 indeksli model esa yaqinda taqdim etilgan Tiggo 9.
Shanxay avtosalonida 2023-yilda Xitoyning Chery avtomobil ishlab chiqaruvchisi jahon bozoriga uchun maxsus Jaecoo 7 krossoverini namoyish etdi.
Yangi model Oʻzbekistonda shu yilning yozida paydo boʻladi.
JAECOO 7 197 ot kuchiga ega 1,6 litrli turbo dvigatel bilan jihozlangan, vites qutisi vazifasini 7 pogʻonali robot bajaradi.
JAECOO 9 261 ot kuchidagi 2 litrli turbo dvigatelga ega.
Avvalroq Chery’ning eng hamyonbop krossoveri yangilangan ko‘rinishda chiqarilgan edi.
Mavzuga oid
Soʻnggi yangiliklar
02 aprel, 14:03
02 aprel, 08:45
01 aprel, 11:15
16 fevral, 21:56
