GM oʻzini oʻzi tozalaydigan sensorli ekranlarni ixtiro qildi

Bizga yoqsa ham, yoqmasa ham, avtomobillardagi knopka-tugmalar o‘rnini bosuvchi sensorli ekranlar tez orada yo‘qolmaydi. Doimo barmoq izlari bilan qoplanib ketadigan, tinimsiz  artib turishingizga to‘g‘ri keladigan ekranlar foydalanuvchilar kundalik muammolaridan biri boʻlib kelgan. General Motors oʻzini oʻzi tozalaydigan yangi ekran dizaynini patentladi.

Darhol avtomobil asboblar panelidan mikrofiber ushlab olgan robot qoʻli chiqib ekran artishini tasavvur qilmang. GM tomonidan ishlab chiqilgan mahsulot ancha aqlli va ixcham.

Yangilangan ekranlar qizil, yashil va ko‘k piksellarga qo‘shimcha ravishda binafsha rangli pikselni ham qo‘shib, ultrabinafsha nurlar kabi ekran rangiga va tasvirlarga ta’sir qilmaslik uchun inson ko‘ziga ko‘rinmas bo‘ladi. Sensorli ekran, shuningdek, kimyoviy reaksiyaga sabab boʻlish uchun ma'lum bir toʻlqin uzunligidagi yorugʻlikni yutish uchun moʻljallangan fotokatalitik ekran qoplamasidan foydalanadi. GM patenti ultrabinafsha quyosh nuriga ta'sir qiladigan metall oksidi fotokatalizatoridan foydalanishni taklif qiladi, ammo koʻplab avtomobillarni tonirovkasi borligi uchun, fotokatalizator reaksiyasi oʻrniga binafsha rangli piksellar tomonidan tiklanadi.

GM avtomobillarida oʻzini o‘zi tozalaydigan sensorli ekranlar opsiyasi qachon ishga tushishi noaniq. Hozirda texnologiya patent holatida. Umid qilamizki, bu gʻoya haqiqatan ham amalga oshadi, chunki oʻzini o‘zi tozalaydigan sensorli ekranlar nafaqat avtomobillar, balki koʻplab qurilmalar uchun ajoyib va qulay oʻzgarish boʻladi.