Geely va Exeed Oʻzbekiston bozoriga rasman kirib keldi
09 fevral, 15:322023-yilda Geely va Exeed Oʻzbekiston bozoriga kirib keladi. Geely oʻzi bilan jami 7 ta, ulardan 2 tasi elektromobil boʻlgan modellar olib kirishni ham rejalashtirgan. Xabarni har ikkala kompaniya matbuot xizmati tasdiqlagan.
Maʼlum qilinishicha, akkumulyatorlik avtomobil — Gap Geometry C elektr xetchbeki birinchi boʻlib bozorga olib kiriladi. Ushbu model 204 ot kuchiga ega dvigatel bilan jihozlangan boʻlib, quvvat zaxirasi 550 kilometrni tashkil etadi. Modelning menyu multimedia tizimi rus va ingliz tillarida.
“Ishonchimiz komilki, xaridorlar Geely kompaniyasining yangi mahsulotlarini, xususan, Geometry C elektromobilini yuqori baholaydi. Ushbu model zamonaviy dizayn, yuqori raqobatbardosh ustunliklari bilan bir qatorda hamyonbop narxda taqdim etiladi”, — dedi Asaka Motors International distribyutorlik kompaniyasi tijorat direktori Saidjon Tursunov.
Qayd etilishicha, 2023-yil Geely brendining barcha avtomobillar assortimenti mijozlarga taqdim etiladi. Sotuv bahor oylarida boshlanadi. Ular orasida Geely Coolray, Geely Monjaro, Geely Tugella, Geely Okavango, Geely Emgrand, shuningdek, Geely Geometriya E va Geely Geomery C elektromobillari ham bor.
Geely ortidan Exeed ham oʻzbek bozoriga tashrifi kutilmoqda. Fevral oyining oʻzidayoq Oʻzbekistonda kompaniyaning 3 ta modeli roʻyxatdan oʻtkaziladi, bular — LX, TXL va VX. Sotuv bahorga rejalashtirilgan.
Maʼlumot uchun, “Geely Auto” — 1986-yilda tashkil etilgan “Geely Holding Group” tarkibiga kiruvchi brend hisoblanadi.
Mavzuga oid
Soʻnggi yangiliklar
02 iyul, 14:29
25 iyun, 11:07
24 iyun, 14:41
23 iyun, 15:10
