Bolalar va kattalar uchun mitti elektromobillar — Microlino sotuvga chiqarildi

Microlino shveysariyaning Micro Mobility Systems kompaniyasi tomonidan yaratilgan boʻlib, kompaniya bungacha skuter va samokatlar tayyorlash bilan shugʻullanib kelgan.

Ilk mitti Microlino elektromobili 2016-yilda namoyish qilingan boʻlsa-da, sotuvga 2022-yilga kelib chiqarildi. Noodatiy avtomobilning paydo boʻlishida muhandislar 1955-1962-yillarda ishlab chiqilgan BMW Isetta afsonaviy mashinasidan ilhomlanilgan. 

“Mittivoyning” oʻlchamlari 2430x1500x1450 mm ni tashkil qiladi. Ogʻirligi batareyasining sigʻimi va umumiy komplektatsiyasidan kelib chiqib 496, 513 yoki 530 g boʻlishi mumkin. Zaxira masofasi 95, 175 yoki 230 km. Yevropa standartlariga koʻra, Microlino kvadratsikl hisoblanadi, misol uchun unga oʻxshash Citroen Ami ham aynan shunday ataladi. Mashinani boshqarish uchun haydovchilik guvohnomasi talab qilinmaydi va uni 14 yoshdan boshlab boshqarish mumkin, bunda eng yuqori tezlik cheklovi 45 km/soatdan oshmasligi kerak.

Kattaroq versiyalari uchun ham haydovchilik guvohnomasi talab qilinmaydi hamda tezlikni 90 km/soatgacha oshirish mumkin.

Model 3 ta versiyada taqdim etiladi, bular Urban, Dolce va Competizione.

Mitti elektromobilning oʻziga xos jihatlari:

  • Eshik va yon oyna bitta;
  • oynaga joylashtirilgan faralar;
  • suriladigan panorama tomi;
  • 230 l hajmdagi bagaj;
  • 220 Voltlik tarmoqdan bor-yoʻgʻi 4 soatda zaryadlash imkoniyati bor.

Shuningdek, elektromobilda media tizim yoʻq. Buning oʻrniga Bluetooth kolonkasi bor smartfondan foydalanish tavsiya etiladi.

Boshlangʻich narxi ishlab chiqilganidan beri oʻzgarmagan, yaʼni €12 500 (152 708 389 soʻm). Kompaniya yiliga 7500 ta Microlino ishlab chiqishga tayyor, oldindan tushgan buyurtmalar esa 24 mingtani tashkil qilmoqda.

Quyida siz mazkur mitti elektromobilning Shveysariya koʻchalarida yurganini koʻrishingiz mumkin:

Mavzuga oid

Soʻnggi yangiliklar

Xiaomi Redmi Turbo 4 AnTuTu reytingida eng kuchli "subflegmanlar" ro‘yxatida birinchi o‘rinni egalladi
AnTuTu benchmarki mart oyi uchun eng kuchli ishlovchi Android-subflegmanlar reytingini e’lon qildi.
Smartfon
02 aprel, 14:03
Sony WH-1000XM6 quloqchinlari 2025 yil may oyida chiqishi mumkin
Xabar aniq sanani ko‘rsatmagan bo‘lsa-da, bazi manbalar ularning may oyining birinchi yoki ikkinchi haftasida taqdim etilishi mumkinligini taxmin qilmoqda.
Quloqchinlar
02 aprel, 08:45
Vivo arzon narxlarda kuchli batareyaga ega Y300 Pro+ smartfonini taqdim etdi
bu telefon bir zaryadda boshqa modellarga qaraganda ancha uzoq ishlaydi.
Smartfon
01 aprel, 11:15
Telefon kamerasining sifatini baholash uchun qaysi parametrlarni e’tiborga olish kerak?
Bu ma'lumotlar 2025-yil bozori uchun dolzarb bo'lib, telefoningizning kamera sifatini baholashda va yangi telefon xarid qilishda yordam beradi.
Smartfon
16 fevral, 21:56