Haydovchisiz elektromobil rekord 1,5 million kilometr masofani bosib oʻtdi

Bu haydovchisiz boshqariladigan mashinalar tomonidan amalga oshirilgan ilk rekord natija boʻldi. Sinov natijalari va raqamlar ijobiy boʻlsa-da, ular atrofidagi bahslarga nuqta qoʻyish uchun hali erta...

Cruise

Dunyo avtosanoatida sodir boʻlayotgan soʻnggi yangiliklar sunʼiy intellektlar ortidan yana bir mavzu texnologik davrni boshlab berayotganiga ishora qilayotgan boʻlsa, ajab emas. Gap aynan haydovchisiz boshqariladigan avtomobillar haqida ketmoqda. General Motorsʼga tegishli Cruise kompaniyasining avtopilot elektromobillari sinovi 2021-yil noyabr oyida San-Fransiskoda boshlangan edi.

General Motorsʼga tegishli Cruise kompaniyasining elektromobillari mutlaqo haydovchi yordamisiz avtopilotda taxminan 1 600 000 km masofani bosib oʻtdi.
Oxirgi maʼlumotlarga koʻra, avvaliga 30 ga yaqin elektromobillar test qilingan, sentyabr oyiga kelib esa, 100 ta model San-Fransisko koʻchalarini changitdi.
Techcrounch.com
Techcrounch.com

Test uchun San-Fransisko tanlangani ham bejiz emas. Bu haqida Cruise loyihalash boʻyicha bosh vitse-prezidenti Mo Elshenavi bu santimetrlarning har biri “Cruiseʼni yanada yaxshiroq qilish uchun xizmat qiluvchi holatlarga boy”ligini taʼkidlagan. Zero San-Fransiskoning tartibsiz va odamlar bilan gavjum koʻchalari texnologiyalarni turli vaziyat hamda sharoitlarga moslashtirish uchun kompaniyaga foydali maʼlumotlarni hatto keragidan ortiq darajada koʻp toʻplashda qoʻl kelgan.

Sinov natijalari yaxshi, biroq..

Shu tariqa GM kompaniyasining avtopilot elektromobillari rekord natijada 1,5 mln dan ortiq masofani bosib oʻtdi. Mazkur raqamning eʼtiborli jihati ham uning bir rusumdagi haydovchisiz boshqariladigan avtomobil tomonidan amalga oshirilganida. Hozircha mazkur sinovlar xulosasi nisbatan ijobiy boʻlmoqda.

Haydovchisiz boshqariladigan avtomobillar mavzusi hozirda bahsli boʻlmoqda. Bunga sabab texnologiyaning yoʻlovchilarga nisbatan xavfsizlik darajasi toʻliq ishonchli emas. Bunga misol qilib Dawn Project kompaniyasi Tesla haydovchisiz boshqariladigan mashinasiga qarshi anti reklamasini olish mumkin. Animatsion videoda mashina yoʻl boʻylab turli qoidabuzarliklar sodir etgani, yoʻlovchilarni urib ketgani tasvirlangan.

Shuningdek, oldinroq aytib oʻtganimizdek, ayni paytda Qoʻshma Shtatlar boʻylab oʻndan oshiq kompaniyalar haydovchisiz avtomatik boshqariladigan avtomobil vositalarini ishlab chiqishmoqda. Shulardan biri, Zoox kompaniyasi ham oʻz “tosteromobilini” muvaffaqiyatli sinovdan oʻtkazganiga qaramasdan, ularni ommaviy foydalanishga chiqarish uchun tegishli tashkilotlar ruxsatini olishda munozarali holatlarga duch kelgandi. Chunki hozircha bunday avtomobillarning ommaviy foydalanish uchun mutlaqo xavfsizligi isbotlanmagan.

Cruise kompaniyasi elektromobillar sonini 5000 taga yetkazishni rejalashtirmoqda, ammo San-Fransisko rasmiylari bunga biroz qarshi. The New York Times soʻnggi hisobotida taʼkidlaganidek, toʻxtab qolgan Cruise elektromobillari San-Fransiskoda oʻtmishda bir necha bor tirbandlikka sabab boʻlgan. Rasmiylarning fikriga koʻra, kompaniya kengayishdan oldin oʻz texnologiyalarini sezilarli darajada yaxshilashi kerak, aks holda favqulodda vaziyatlar koʻpayishi mumkin.

Mavzuga oid

Soʻnggi yangiliklar

Xiaomi Smart Band 9 yangi fitness brasletini taqdim etdi: narxi 50$ dan arzon
Endi bir marta zaryad qilgandan keyin 21 kungacha foydalanish mumkin
Texnologiya
20 iyul, 18:04
Xiaomi 14 Ultra haqida: 2024 yilning eng yaxshi telefonlari orasida
Xiaomi 14 Ultra — bu kompaniyaning bugungi kunda taklif etayotgan eng zamonaviy smartfonidir.
Smartfon
20 iyul, 12:55
Xiaomi Lamborghini uslubidagi smartfonni namoyish etdi
Redmi va Lamborghini oʻrtasidagi hamkorlik yanada kuchaymoqda: bu ularning ikkinchi loyihasi.
Smartfon
19 iyul, 10:11
iPhone 16 sotuvlari iPhone 15ga qaraganda yaxshiroq bo‘ladi. Kamida bu iPhone 15-dan 10 foizga ko‘p.
Ular iPhone 16 ga bo‘lgan talabni oshirish uchun sun'iy intellekt xususiyatlariga ishonadi
Smartfon
14 iyul, 11:08