Citroen 13 000 dollarga eshik va oynalarsiz ixcham Buggy elektromobilini chiqardi

Koʻplab talablarga koʻra Citroen kompaniyasi oʻta ixcham shahar elektromobili My Ami Buggyʼning yangi versiyasini taqdim etdi. EV maxsus komplektatsiyasi oʻnta mamlakatda 13 000 dollardan sal koʻproq narxda sotuvga chiqariladi.

My Ami buggy 2,41 metr uzunlikdagi Citroen Ami elektromobiliga asoslangan boʻlib, 2020-yil aprel oyida chiqarilgan, boshlangʻich narxi 6 000 dollar atrofida. Citroen uni 17 yoshdan 77 yoshgacha boʻlganlar boshqara oladigan arzon elektromobil sifatida taqdim etmoqda.

Yangi versiya faqat birinchi 1000 mijozga 13 029 dollar boshlangʻich narxida taqdim etiladi.

5,4 kVt/soat quvvatga ega akkumulyator va 8 ot kuchidagi dvigatel bilan jihozlangan ultra ixcham elektromobil 46 milgacha yura oladi va 48 mil/soat tezlikka ega (u faqat shaharda foydalanish uchun moʻljallangan).

Buggy eʼtibordan chetda qolmaydigan noyob dizaynga ega. Bundan tashqari, disklarning oltin rangi ham oʻzgacha tus beradi.

My Ami Buggyʼning eshiklari va derazalari yoʻq (garchi uning plastik qopqoqlari va yoʻlovchilarni himoya qilish uchun suv oʻtkazmaydigan matolari bor). Buning oʻrniga, elektromobilda “haqiqiy erkinlik hissi” berish uchun ochiq maydon konseptsiyasi mavjud.

Citroen kompaniyasi My Ami Buggyʼni Buyuk Britaniya, Fransiya, Italiya, Ispaniya, Belgiya, Gretsiya, Portugaliya, Lyuksemburg, Marokash va Turkiyada taqdim etadi. Buyuk Britaniyadagi sotuvlar 20-iyun seshanba kuni soat 14:00 da dastlabki 40 ta xaridor uchun ochiladi.

Cheklangan nashr versiyasini xarid qila olmaydiganlar uchun Citroen hali ham 10 000 dollardan boshlanadigan 100% elektr AMI ni taklif qilmoqda. Ayni paytda Citroen bugungi kunga qadar butun dunyo boʻylab 35 000 dan ortiq avtomobil sotganini aytmoqda.

Avvalroq Giglink.uz Oʻzbekistonda yagona boʻlgan, kam tirajda sotiluvchi BMW M3 F80 modeli koʻrsatilganini xabar bergan edi.