Avstraliyada Ford maydonlari o‘rnida uchar taksilari uchun avtoturargohlar qurilmoqda

Avstraliya vertikal ravishda uchib qoʻna oladigan kichik elektr samolyotini taqdim etganidan koʻp oʻtmasdan bu turdagi transportlar uchun maxsus aeroportlar barpo etishni boshladi.

Avstraliyada avtomobil sanoati unchalik muvaffaqiyatli boʻlmadi. Shu sababli, mamlakat “qiziqarli” texnologiyalarga eʼtibor qaratmoqda. eVTOL uchar taksilari shulardan biri.

Mazkur uchar mashinalarni ishlab chiqarayotgan kompaniya bir vaqtlar oʻzi egalik qilgan Avstraliyadagi Ford va Holden zavodlarining avtomobil yigʻish maydonlarini qoʻnish maydoniga aylantirmoqchi. Bundan tashqari, eVTOL infratuzilmasi eksperti Skyportz bilan hamkorlikda mamlakatda birinchi boʻlib vertolyotlar tarmogʻini yaratish rejalashtirilgan.

Dastlab, tarmoq mavjud aeroportlar va vertolyot maydonchalari negizida quriladi, keyin esa oddiy shaharlarda, savdo markazlarida, biznes-parklar va sanoat maydonlarida ham paydo boʻladi.

Mamlakatdagi birinchi vertolyotlar qachon chiqarilishi hali belgilanmagan, biroq ularning birinchisi 2026-yilda taqdim etilishi kutilmoqda. Ayni paytda, boʻlajak aeroportlarning render tasvirlarini koʻrishingiz mumkin.

Oldinroq Dubay 2026-yilda uchadigan taksilarni foydalanishga topshirishi haqida xabar bergandik. Arab uchar taksilari mutlaqo ekologik toza va chiqindisiz bo‘lib, maksimal tezligi 300 km/soatni tashkil qiladi.