ChatGPT chiqganidan bergi freelanserlarga boʻlgan talab kamaydi

16 iyun, 22:25

AI yoʻqolmaydi, shuning uchun biz hammamiz u bilan oʻrganishimiz va u bilan birga ishlashimiz kerak.

Harvard Business School va Germaniya Iqtisodiyotni Tadqiq Etish Instituti tomonidan oʻtkazilgan hisobotga koʻra, 2022-yil noyabrida ChatGPT ishga tushirilganidan beri yozish va dasturlash boʻyicha raqamli freelanceslarga boʻlgan talab 21% ga kamaygan.

- Dasturiy ta'minot va ilova ishlab chiqarishda ish oʻrinlari 21% ga kamaydi

- Ma'lumotlarni kiritish va ijtimoiy tarmoqlarda post ishlab chiqarish 13% ga kamaydi

- Grafik dizayn va 3D modellashtirish kabi tasvir yaratish rolini bajargan lavozimlar 17% ga tushdi

Google qidiruv tendentsiyalari generativ AI dan xabardor boʻlgan va uni ishlatgan sohalarda koʻproq pasayishni tasdiqladi.

Ish bozorining tushkunligi

"AI kimni oʻrinini olmoqda? Generativ AI ning onlayn freelansing platformalariga ta'siri" deb nomlangan tadqiqot, 2021 yil iyulidan 2023 yil iyuligacha 61 mamlakatda joylashtirilgan deyarli ikki million ish e'lonlarini oʻrganib chiqdi. Tadqiqotda ishlar avtomatlashtirishga moyil rollar, qoʻlda bajariladigan ishlar va rasm yaratishga boʻlingan. ChatGPT ishga tushirilgandan soʻng ushbu sohalarda e'lonlarning sezilarli darajada kamayishi kuzatildi.

Oʻzingizni qanday himoya qilishingiz mumkin?

Raqamli freelanserlarga tahdid ChatGPT va boshqa AI vositalari rivojlanishi bilan yanada kuchayadi.

AI qiyinchiliklaridan himoyalanish uchun koʻnikmalaringizni kengaytiring va inson ijodi va hissiyoti kerak boʻlgan sohalarda ixtisoslashing. AI vositalaridan foydalanib, mahsuldorlik va ish sifatini oshiring. AI yoʻqolmaydi, shuning uchun u bilan yashashni va ishlashni oʻrganishimiz kerak.