Zilzilani real vaqtda onlayn kuzatib borish xizmatlari

Sayyoramizda sodir boʻlayotgan zilzila holatlarini onlayn kuzatib borish mumkin. Mazkur xizmat bepul va undan istalgan vaqt foydalana olasiz.

Ayni kunlarda dunyo boʻylab sodir boʻlayotgan voqealar barchamizni sergaklikka undaydi. 6-fevral kuni Turkiya janubi-sharqida roʻy bergan 7,8 va 7,5 balli ikkita kuchli zilzila natijasida mamlakat janubi-sharqi va qoʻshni Suriya shimolida minglab turarjoy binolari vayron boʻlgan.

Soʻnggi maʼlumotlarga koʻra, Turkiyada 3381 dan ortiq, Suriyada esa 1400 dan ortiq kishi halok boʻlgan, ikki mamlakatda 20 mingdan ortiq kishi jarohatlangan. Turkiya prezidenti 12-fevralga qadar mamlakatda milliy motam eʼlon qildi. 

Internet boʻylab Yer seysmik holatini koʻrsatib boradigan turli xizmatlar mavjud. Ularda maʼlumotlar real-time yangilanib boradi. Earthquake Track sayti shulardan biri — https://earthquaketrack.ru/

Saytda berilgan online-xarita orqali silkinish yuz bergan hududlar, magnitudasi, vaqti va chuqurligini koʻrish mumkin. Xizmatning rus tilidagi versiyasi ham mavjud. Shuningdek, tabiiy ofatga uchragan hudud siz joylashgan manzildan qanchalik uzoqda ekanligini ham aniqlash mumkin.

Misol uchun, 7-fevral kuni eng yuqori seysmik silkinish Turkiyada qayd etilgan. Zilzila magnitudasi esa, 5,5 ni tashkil etgan.

Saytda global seysmik faollik “ekstremal, favqulodda” deb koʻrsatilgan boʻlib, bunga Turkiya davlatida sodir boʻlayotgan zilzilalar asos boʻlmoqda.

Shuningdek, ingliz tilini biladiganlar uchun ham yana bir sayt mavjud boʻlib, taniqli ilmiy hamjamiyatga tegishli USGS Earthquake Hazards Program xizmati ham bor.

Mazkur saytning ishlashi ham Earthquake Trackʼnikiga oʻxshash — https://earthquake.usgs.gov/earthquakes/map/

Mavzuga oid

Soʻnggi yangiliklar

Xiaomi Redmi Turbo 4 AnTuTu reytingida eng kuchli "subflegmanlar" ro‘yxatida birinchi o‘rinni egalladi
AnTuTu benchmarki mart oyi uchun eng kuchli ishlovchi Android-subflegmanlar reytingini e’lon qildi.
Smartfon
02 aprel, 14:03
Sony WH-1000XM6 quloqchinlari 2025 yil may oyida chiqishi mumkin
Xabar aniq sanani ko‘rsatmagan bo‘lsa-da, bazi manbalar ularning may oyining birinchi yoki ikkinchi haftasida taqdim etilishi mumkinligini taxmin qilmoqda.
Quloqchinlar
02 aprel, 08:45
Vivo arzon narxlarda kuchli batareyaga ega Y300 Pro+ smartfonini taqdim etdi
bu telefon bir zaryadda boshqa modellarga qaraganda ancha uzoq ishlaydi.
Smartfon
01 aprel, 11:15
Telefon kamerasining sifatini baholash uchun qaysi parametrlarni e’tiborga olish kerak?
Bu ma'lumotlar 2025-yil bozori uchun dolzarb bo'lib, telefoningizning kamera sifatini baholashda va yangi telefon xarid qilishda yordam beradi.
Smartfon
16 fevral, 21:56