Nega qogʻoz daftarlardan voz kecha olmaymiz? — qaydlar yuritishda smartfon ilovalarining ustunlik va zararli tomonlari

Tahlil

08 aprel, 21:29

Aslini olganda, telefon yoki kompyuterlarda qayd yozish qogʻoz bloknotlarga qaraganda ancha yaxshi. Boz ustiga bunday ilovalar qayd yozib borish uchun juda qulay boʻlib, qaydlarni bir joyda saqlash, boshqalar koʻrmasligi uchun bloklash, eslatma sifatida joylash va hokazo funksiyalarga ega. Biroq, juda koʻp insonlar hali ham qogʻozni afzal koʻrishadi. Aslida esa har ikkisining zararli va foydali jihatlari bor.

Quyida qogʻoz yoki telefonda qayd yozib borishning yaxshi va yomon taraflarini koʻrib chiqamiz.

Telefon hayot tarzimizga aylangan bir paytda unga qoʻshimcha yana bir daftar olib yurish noqulay boʻlishi aniq. Koʻpchiligimiz eslatmalarni yozib borish uchun yaxshi ilova izlab Google Play yoki App Storeʼga kirganimizda ularning yarmi yoki reklamalarga yoʻla yoki pullik boʻladi. Tabiiyki, “raqamli olamdan” hafsalangiz pir boʻlgandan keyin daftar tutib qoʻya qolasiz.

Biz sizni tushunamiz.

Raqamli eslatmalarni teglash, papkalarga boʻlish, boshqalar bilan boʻlishish va hatto jamoa sifatida qulay tarzda tahrirlash mumkin. Bundan tashqari, ularni nusxalash, tezda vazifalar yoki uchrashuvlar haqida eslatib turishi uchun budilnik tarzida oʻrnatish, havolalar, fotosuratlar yoki chizmalarni qoʻshish mumkin. Bir soʻz bilan aytganda, telefondagi Note ilovalar “note” daftarlardan koʻra anchayin ustun.

Eslatma ilovalarining afzalliklaridan biri shundaki, ularning xotirasi cheksiz.

Hammasiga miyamiz aybdor

2014-yilda xalqaro psixologlar guruhi “Qalam klaviaturadan kuchli” nomli ilmiy maqolasini chop etdi. Tadqiqotlar shuni koʻrsatdiki, odamlar qoʻlda yozilgan maʼlumotlarni yaxshiroq eslashadi. Oʻshandan beri bu fikrni qoʻllab-quvvatlaydigan bir qator boshqa tadqiqotlar nashr etildi.

Misol uchun, 2020-yilgi Norvegiya tadqiqotida shunday deyilgan: “Qoʻlda yozilganda barmoqlarning harakati miyani faollashtiradi”. Klaviatura yordamida matn terilayotganda, miya, aksincha, “oʻrganish” tolalari ishlamas ekan. Yaponiyada oʻtkazilgan yana bir tadqiqot 2022-yilda ham maʼlumotni eslab qolish va oʻzlashtirishda qoʻlda qalam yoki ruchkada yozish stilus yoki smartfon klaviaturasi bilan taqqoslaganda yaxshiroq degan xulosaga keldi.

Oddiy soʻzlar bilan aytganda, biz qoʻlda yozganimizni yaxshiroq eslab qolamiz. Eslatmalar bizga biror narsani eslatish uchun moʻljallangan. Agar siz qogʻozga biror narsa yozsangiz, u bizning xotiramizda yaxshiroq saqlanadi va siz eslatmalarga kamroq qarashimizga toʻgʻri keladi.

Layfhak

Agar siz raqamli qaydlarni afzal koʻrsangiz va ularga oʻtmoqchi boʻlsangiz, Deyv Governing (AQShlik dasturchi) quyidagi maslahatini tavsiya etamiz:

Avval qogʻozga eslatma yozing — bu shunchaki qogʻoz varagʻi emas, balki kundalik yoki daftar boʻlishi muhim;

Bir muncha vaqt oʻtgach, eslatmalar ilovasiga qogʻozdagi maʼlumotlarni koʻchiring — havolalar, fotosuratlar va qogʻozga qoʻshib boʻlmaydigan boshqa maʼlumotlarni ham qoʻshing;

Buni har bir eslatma bilan takrorlang va raqamli qaydlarga moslashguningizgacha qogʻoz yozuvlar miqdorini asta-sekin kamaytiring.

Amaliyot shuni koʻrsatadiki, keksa avlod qogʻozni, yosh avlod esa ilovalarni afzal koʻradi. Qayerda eslatma yozishni hali hal qilmagan boʻlsangiz, qogʻoz daftarlarning barcha ijobiy va salbiy tomonlarini koʻrib chiqing: