Ikki ekranli Lenovo Yoga Book 9i noutbukining barcha imkoniyatlari haqida batafsil

Tahlil

03 iyun, 18:30

Lenovo Yoga Book 9i joriy yil boshida rasman taqdim etilgan va CES taqdimotidagilarning koʻpchiligi markazga biriktirilgan ikkita 13 dyuymli OLED ekrani va noodatiy dizayniga shubha bilan qaragandi.

2 099$ narxda sotuvga chiqarilgan Lenovo Yoga Book 9i barcha ikki ekranli qurilmalarning klassik texnologiyasi asosida tuzilgan.

Oʻziga xos xususiyatlari

Lenovo Yoga Book 9i bir xususiyati bilan ajralib turadi: pastki yarmida apparat klaviaturasi va trekpad oʻrniga yuqori qismga mos keladigan ikkinchi 13,3 dyuymli OLED ekranga ega. Ular ajoyib ilgak bilan bogʻlangan, bu ularni turli yoʻnalishlarda ishlatishga imkon beradi, shuningdek, Bowers&Wilkins dinamiklar qatoriga toʻplanadi va juda yaxshi ishlaydi.

Shuningdek, toʻplamda alohida Bluetooth klaviaturasi, maxsus pen (Lenovo Digital Pen 3), Bluetoothda ulanadigan sichqoncha va klaviatura hamda stilus korpusi vazifasini bajaradigan origami uslubidagi yigʻma stend mavjud. 2 099 dollarlik narx bir qarashda qimmat boʻlib tuyulishi mumkin, ammo klaviatura, stilus va sichqoncha kabi aksessuarlar bilan birga hisoblasak, qurilma mutlaqo oʻzini oqlaydi.

Qurilma va dizayn

Lenovo Yoga Book 9i juda yaxshi ishlab chiqarilgan toʻplam boʻlib, ikkala ekran ham bir xil panel va xususiyatlarga ega, yumaloq qirralari bilan oʻta mustahkam metall korpusga oʻralgan. Yoga Book 9i faqat bitta rang — zumrad rangida (koʻkimtir yashil) chiqarilgan. Biroq butun qurilma rangi va oddiy kulrang stilus hamda sichqoncha rangi estetik jihatdan unchalik ham mos tushmagan.

Yoga Book 9i ning yuqori va pastki yarmi yopishqoq bosish bilan yopiladi va sharnir (biriktirib turgan qismi) qurilmani qaysi burchakda ishlatsangiz ham ushlab turadi. Bu, ayniqsa, muhim, chunki Yoga Book 9i turli xil usullarda, jumladan,

pastki displeyga magnitlangan apparat klaviaturasi boʻlgan yoki ulanmagan standart noutbuk koʻrinishida;

bitta ekranli planshet rejimida toʻliq teskari ekran bilan;

displeylar bir-birining ustiga joylashtirilgan va gorizontal ikki ekranli rejimda stendga oʻrnatilgan;

vertikal ikkita ekran yoʻnalishida yonma-yon displeylar bilan;

ikkala faol ekran chodir rejimida teskari tomonda ikki xil foydalanuvchiga qaragan holda foydalanish mumkin.

Oʻrnatilgan kamerada 5 megapikselli sensor va fonar mavjud va u Windows Hello yuzni aniqlash tizimi bilan ishlaydi va maxfiylikning qoʻshimcha kafolatini qadrlaydiganlar uchun noutbuk displeyining pastki qismida apparatni oʻchirish tugmasi mavjud.

Ishlash sifati

Yoga Book 9i 13-avlod Intel Core i7 protsessoriga ega boʻlib, 16 Gb DDR5X operativ xotira, oʻrnatilgan Intel Iris X grafikasi va 1TB SSD bilan jihozlangan. Uchta Thunderbolt 4 porti (biri chapda va ikkitasi oʻngda), shuningdek, Bluetooth 5 mavjud.

Ikkita OLED displey 2,8K piksellar oʻlchamiga ega, maksimal yorqinligi 400 nits va 60 Gts yangilanish tezligi bilan HDRʼni qoʻllab-quvvatlaydi.

Media isteʼmoliga kelsak, bu, albatta, uning kuchli tomonlaridan biridir. Displeylar videolarni tomosha qilish uchun juda mos keladi, ikkinchi ekran esa sizda koʻp vazifalarni bajarish, jumladan, internetda qidirish yoki biror narsani koʻrayotganda tvit yozish va hokazo imkoniyatlarni beradi.

Lenovo Yoga Book 9i oʻzining ikki ekranli sharnir yechimiga egaligi bilan anchagina ilgʻor texnologiya hisoblanadi va hozircha boshqa hech qanday raqobatchi daʼvo qila olmaydigan qulaylikni taklif qiladi.

Qurilma hozircha O‘zbekiston bozoriga kirib kelmagan.