Elektr-samokatlar va elektron skuterlar: afzalligi, kamchiligi va narxlari

Yurtimiz bo‘ylab, xususan, Toshkent shahrida elektron skuter va samokatlardan foydalanuvchilar ko‘payib bormoqda. Har qanday transport vositasi singari, elektr-samokatlar va elektr skuterlar ham oʻzlarining afzalliklari va kamchiliklariga ega. Quyida bu haqida batafsil.

Elektr-samokatlar

Yaxshi tomoni:

  • Ixcham va olib yurishga qulay — samokatlarni yigʻish oson, ularni saqlash va tashish qulay.
  • Tejamkorlik — elektr-samokatni zaryadlash koʻp vaqt talab qilmaydi va elektr rozetkasi mavjud boʻlgan har qanday joyda quvvatlantirish mumkin.
  • Hamyonbop — elektr-samokatlar elektr skuterlarga qaraganda arzonroq.

Kamchiliklari:

  • Cheklangan masofa — elektr-samokatlar odatda elektr skuterlarga nisbatan qisqaroq manzillar uchun moʻljallangan;
  • Past tezlik — elektr skuterning maksimal tezligi odatda 25 km/soat atrofida boʻladi, bu baʼzi foydalanuvchilar uchun yetarli boʻlmasligi mumkin;
  • Yoʻllarga chidamlilik darajasi — elektr-samokatlar yomon va chuqur yoʻllarga chidamli boʻlmaydi.
Qiziqarli ma’lumot: O‘zbekistonda birinchi onlayn kicksharing xizmati Toshkentda 2022-yil aprel oyida ishga tushirilgan edi.

Narxlari:

O‘spirinlar va kattalar uchun samokatlar 600-800 ming so‘mdan, brend samokatlar 7-8 mln so‘mdan boshlansa, bolalar uchun modellar 200 ming so‘mdan narxlanadi. Shuningdek, ayni paytda Toshkent shahri bo‘ylab yo‘llarda elektron samokatlarni uchratish mumkin — ulardagi QR kodlarni skanerlash orqali ilovani yuklash va ma’lum vaqt uchun to‘lov qilib foydalansa bo‘ladi. Hisobda mablag‘ tugaganda, yoki samokatdan foydalanib bo‘lgach uni yo‘l chetida qoldirib ketishingiz mumkin.

  • A38 PowerGym —836 900 so‘m (Asaxiy)
  • Xiaomi Mi Electric Scooter — 9 mln 146 ming so‘m (Uzum)
<div><br></div>

  • Bolalar uchun Pilsan Power Scooter 07354 samokati — 740 ming so‘m (Uzum)

Elektron skuterlar afzalliklari:

  • Uzoqroq masofa — elektr skuterlar elektr-samokatlarga nisbatan bir marta quvvatlanganda koʻproq masofani bosib oʻta oladi.
  • Yuqori tezlik — elektr skuterning maksimal tezligi 50 km/soat va undan ham koʻproqqa yetishi mumkin, bu uzoq masofalar uchun qulay.
  • Yoʻllarga chidamli — elektr skuterlar odatda kengroq balon va kuchliroq osma tizimga (подвеска) ega boʻlib, yoʻllarga ancha chidamli.
Skuter/Midjourney
Skuter/Midjourney

Kamchiliklari:

  • Ogʻirlik va oʻlchamlar — elektr skuterlar hajmi odatda elektr-samokatlarga qaraganda kattaroq va ogʻirroq boʻladi.
  • Narxi — elektr skuterlar nisbatan qimmatroq.
  • Zaryadlash koʻproq vaqt olishi mumkin — dvigatel quvvati va kattaroq akkumulyatori tufayli elektr skuterni zaryad qilish uchun nisbatan koʻproq vaqt talab qiladi.
Qiziqarli ma’lumot: Daniyada 2022-yil 1-yanvardan boshlab elektron skuterlardan foydalanganda kaskadan foydalanish majburiy etib belgilangan. Singapur, Janubiy Koreya, Florida (AQSh) hamda Kiprda esa 16 yoshdam kichik yoshdagi bolalarga elektron skuterlardan foydalanish taqiqlangan.

Narxlari:

Umuman olganda, skuterlar benzin bilan yuradigan yoki elektron bo‘lishi mumkin. Quyida elektronlarining narxlari bilan tanishib chiqamiz. Yaxshi elektron skuterlar narxi o‘rtacha 400-500$ dan boshlanadi. 200-300$ ga ham ishlatilgan (kam hollarda yangi) variantlarni topsa bo‘ladi, shuningdek, bo‘lib to‘lash yoki ijaraga xarid qilish ham mumkin.

  • Elektron skuter — 3 mln 900 ming so‘m (OLX)
  • Citycoco X-60 — 15 mln 825 ming so‘m (Zoodmall)
  • Mi Electric Scooter Pro 2 — 7 mln 949 ming so‘m (Uzum)
  • Elektron skuter 2210 — 5 mln 125 ming so‘m (Zoodmall)

Shuningdek, OLX’da 1 mln so‘mdan 16-17 mln so‘mgacha bo‘lgan turli modeldagi skuterlarni ko‘rish mumkin. Ular orasida yangilari va foydalanilganlari ham bor.

Xulosa qilib aytganda…

Agar siz ixchamroq va yengilroq transport istasangiz, u holda elektrosamokat eng yaxshi tanlov boʻlishi mumkin. Elektr samokatlar odatda ixchamroq dizaynga ega boʻlib, gavjum shahar koʻchalarida va qisqa masofalarda harakatlanish uchun qulay. Bundan tashqari, ular zaryadlash uchun kamroq vaqt talab etadi.

Lekin uzoqroqdagi maktabga borish yoki qoʻshni mahalladagi qarindoshlaringizni yoʻqlash uchun kerak boʻlsa, u holda elektron skuterlar yaxshi variant boʻlishi mumkin. Albatta, qay birini xarid qilishingizdan qatʼi nazar, uni texnik kamchiliklarsiz ekanligiga ishonch hosil qiling va yoʻl qoidalariga rioya qiling. Har qanday holatda ham oʻz ehtiyojlaringiz va byudjetingizni hisobga olishingiz kerak.

Avvalroq Giglink.uz yomgʻir va qorda elektr-samokatda yurish qanchalik xavfsiz yoki xavfli bo‘lishi haqida batafsil ma’lumot bergan edi. 

Mavzuga oid

Soʻnggi yangiliklar

Chery Oʻzbekiston uchun yangi modellari tayyorlamoqda
Chery Tiggo 2 va Arrizo ning gibrid variantni shu yilning oʻzida sotuvga chiqarishi mumkin.
Avto
20 may, 17:26
Apple iPhone'ni koʻzlar yordamida boshqarish imkoniyatini taqdim etadi!
iOS 18 yangilanishida ko'zlar yordamida iPhone'ni boshqarish imkonini beruvchi yangi xususiyat taqdim etiladi
Smartfon
20 may, 14:59
Sony'dan yangilik: Xperia 1 VI AI kamerasi va kuchli zum imkoniyatlari bilan
Sony Xperia 1 VI, yangi avlod flagman smartfoni, o'yin, audio va displey imkoniyatlariga kuchli e'tibor qaratgan holda taqdim etildi.
Smartfon
16 may, 11:59
Apple yangi katta yangilikka muhtoj: Tim Kukda gʻoyalar tugab qolgan
Yillar davomida yangi iPhone kabi mahsulotlar boʻlmasligi aniq boʻldi. Apple apparat kompaniyasi hisoblanadi va Kuk bozorda shov-shuvli miqyosdagi boshqa mahsulotni chiqara olmadi.
Texnologiya
15 may, 18:20