Xiaomi 14 Ultra “raspakovkasi” va o‘zgarishlar haqida

Xiaomiʼning eng soʻnggi modeli — Xiaomi 14 Ultra xitoycha yangi yildan soʻng taqdim qilindi. Oʻtgan yil chiqqan Xiaomi 13 Ultraʼning qoyilmaqom kamerasi va xususiyatlari haqida yetarlicha tahlil qilgan edik. Navbatdagi model undan ham yaxshiroq boʻladimi-yoʻqmi, quyida koʻrib chiqamiz.

“Raspakovka”

Yangi Xiaomi 14 Ultra ham 13 kabi bir xil qora qutida keladi va tashqi koʻrinishi oʻzgarishsiz qolmoqda.

Qoʻshimcha aksessuarlar ham bir xil: karta uchun nina, qoʻllanma va telefon qutisi. Asosiylaridan, zaryadlash kabeli va adapteri bor. Telefon chexoli nisbatan qattiq ishlangan.

Zaryadlovchi ham Xiaomi 13 Ultra bilan bir xil, 90 Vt.

Qandaydir o‘zgarish bormi?

Tashqi tarafdan 13 Ultra bilan solishtirganda koʻp narsa oʻzgarmay qolgan. Dizayn ham deyarli bir xil boʻlib, orqa tomongacha choʻzilgan ramka va markazda dumaloq kamera moduli koʻzga tashlanadi.

Flagmandagi eng katta o‘zgarish — bu linza moduli yonidagi egiklik olib tashlangan.

Orqa keramik korpus og‘irlashtirilgan.

Orqa tomonda koʻp narsa oʻzgarmagan boʻlsa-da, old tomonda katta oʻzgarishlar mavjud. Ekran Xiaomi 14 Pro bilan bir xil, hatto himoya oynasi ham oʻsha-oʻsha Dragon Crystal Glass. Toʻrt tomonida deyarli bir xil kenglikdagi ramkalar va ularning hammasi biroz egilgan holda sozlangan.

14 Ultra protsessori — Snapdragon 8 Gen 3. Kamera moduli kattalashganiga qaramay, telefon vazni yengillashgan, batareya quvvati esa 300 mA/soatga oshgan.

Xiaomi 14 Ultra shuningdek, ikkita yangi Surge T1 chiplari va sunʼiy yoʻldosh ulanishini qoʻshgan, shuning uchun narxi biroz yuqori boʻlishi mumkin. Aniq narxi hozircha maʼlum qilinmagan.

Ultra’ning eng kuchli tomoni — bu kamerasi. Ammo ozroq afsus bilan aytish mumkinki, 14 Ultra kameralari 13 Ultra kameralaridan unchalik farq qilmaydi: to‘rtta kamera ham bir xil fokus uzunligi va sensor o‘lchamlariga ega. Yangilanishlar oddiy odam uncha ahamiyat bermaydigan narsalarda, masalan, diafragmaning kattaligi va 3,2x telefoto linzalarida raqamli kesishning yo‘qligi kabilarda namoyon bo‘ladi. Bu qatorga sun’iy intellekt platformasi ham qo’shilgan.

Aytilishicha, 14 Ultra 4K videoni 60 kadr tezlikda yozib olishda toʻrtta kamerani tasodifiy almashtirishni qoʻllab-quvvatlaydi. Boshqa 14 seriyali telefonlar singari, old kamera endi 4K videoni 60 kadr tezlikda yozib olishi mumkin. Kamera tizimi ham 13 Ultra dan kuchliroq.

Ammo hozircha Xiaomi Ultra 14 haqida ko‘p ma’lumot ayta olmaymiz. Shunchaki, flagman ko‘proq sotilib mijozlardan ko‘proq taassurotlar to‘plagandagina Xiaomi Ultra 14’ning barcha “kartalari ochiladi”.

Mavzuga oid

Soʻnggi yangiliklar

Xiaomi Redmi Turbo 4 AnTuTu reytingida eng kuchli "subflegmanlar" ro‘yxatida birinchi o‘rinni egalladi
AnTuTu benchmarki mart oyi uchun eng kuchli ishlovchi Android-subflegmanlar reytingini e’lon qildi.
Smartfon
02 aprel, 14:03
Sony WH-1000XM6 quloqchinlari 2025 yil may oyida chiqishi mumkin
Xabar aniq sanani ko‘rsatmagan bo‘lsa-da, bazi manbalar ularning may oyining birinchi yoki ikkinchi haftasida taqdim etilishi mumkinligini taxmin qilmoqda.
Quloqchinlar
02 aprel, 08:45
Vivo arzon narxlarda kuchli batareyaga ega Y300 Pro+ smartfonini taqdim etdi
bu telefon bir zaryadda boshqa modellarga qaraganda ancha uzoq ishlaydi.
Smartfon
01 aprel, 11:15
Telefon kamerasining sifatini baholash uchun qaysi parametrlarni e’tiborga olish kerak?
Bu ma'lumotlar 2025-yil bozori uchun dolzarb bo'lib, telefoningizning kamera sifatini baholashda va yangi telefon xarid qilishda yordam beradi.
Smartfon
16 fevral, 21:56