Xiaomi 14 Pro qanday boʻlishi taqdimot oldidan maʼlum boʻldi

Insayder OnLeaks Xitoyning tez orada taqdim etiladigan flagmani Xiaomi 14 Pro’ning ilk yuqori sifatli render rasmlari bilan boʻlishdi.

Maʼlum boʻlishicha, bu yil kompaniya doimiy sal buklangan ekranlar oʻrniga Xiaomi 14 Pro’ni tekis displey, tekis yon qirralarga va kvadrat kamera bloki bilan yangicha koʻrinishda chiqarishga qaror qilgan.

Kamera bloki yanada kattalashgan va uzunasiga ham nisbatan balandroq boʻlib, datchiklari 4 millimetrdan ortiqroq boʻrttirilgan qilib ishlangan.

Qurilmaning oʻlchamlari 161,6x75,3x8,7 mm. Flagmanning boshqa xususiyatlariga kelsak:

 • Ekran: 6,6 dyuymli AMOLED, 2K, 120 Gts;

 • Protsessor: Qualcomm Snapdragon 8 Gen 3;

 • Kameralar: asosiy 50 MP;

 • Batareya: 4860 mA/soat, tez zaryadlash 120 Vt;

 • Shuningdek, ekran pastida barmoq izi skaneri, stereo dinamiklar, suv va changdan himoya.

Xiaomi 14 Pro taqdimoti 27-oktyabr kuni boʻlib oʻtishi kerak. Tadbirning asosiy mahsulotlari qatorida Xiaomi 14 ham namoyish etiladi.