Poco C75 bilan tanishing — katta ekranga ega arzon smartfon!

Poco C75 haqidagi ma'lumotlar oktyabr boshida tarqaldi. Smartfon FCC tomonidan sertifikatlangan bo'lib, endi u rasman taqdim etildi.

GSMArena.com ma'lumotlariga ko'ra, smartfon 6.88 dyuymli LCD ekran bilan jihozlangan bo'lib, uning o'lchamlari 1640×720 piksel va yangilanish chastotasi 120 Gts.
Shuningdek, sensorni aniqlash chastotasi 240 Gts va maksimal yorqinlik 600 nit darajasida.

Qurilma ichida 2.0 GGts tezlikkacha ishlayotgan MediaTek Helio G81-Ultra protsessori o'rnatilgan. U 6 yoki 8 GB operativ xotira va 128 yoki 256 GB ichki xotira bilan ishlaydi.
Tizim barqarorligini HyperOS interfeysi bilan Android 14 ta'minlaydi.

Orqa panelda 50 megapiksellik asosiy kamera o'rnatilgan. Yordamchi kamera dekorativ vazifani bajaradi. Old tomonda tomchi shaklida 13 megapiksellik selfie kamerasi joylashgan.

Poco C75 yon tomonida qulf ochish uchun barmoq izi skaneri, 3,5 mmli naushnik uchun ulagich va 18 Vt tezlikda quvvat oluvchi, sig‘imi 5160 mA/soat bo‘lgan akkumulyator bilan jihozlangan. Lekin, qutida quvvatlagich mavjud emas.

C75 o'lchamlari 171.88×77.8×8.22 mm, og'irligi 204 gramm.
Smartfon xususiyatlari avgust oyida chiqarilgan Redmi 14C modelini eslatadi. Aslida, bu xuddi o'sha smartfon, faqat boshqa nom ostida.
Yangi model qora, oltin va yashil ranglarda mavjud.

- 6/128 GB xotirali versiya narxi 110 dollar
- 8/256 GB versiyasi esa 130 dollar.
Smartfon O'zbekistonda ham sotuvga chiqariladi.