OnePlus Ace 3 Pro: 6100 mA/soat batareya va Snapdragon 8 Gen 3 chipli smartfon

Smartfon

30 iyun, 09:55

Bitta zaryad bilan smartfon 2 kun ishlashi mumkin. Bu natijaga yangi turdagi akkumulyatorlardan foydalanish orqali erishildi.

OnePlus Xitoyda taqdimot o‘tkazdi va unda asosiy e'tiborni tortgan qurilma OnePlus Ace 3 Pro subflagman smartfoni bo‘ldi. Model kuchli texnik xususiyatlarga ega, ammo uning eng muhim o‘ziga xosligi batareyasida.

OnePlus Ace 3 Pro uchun akkumulyator yaratish maqsadida OnePlus Xitoyning akkumulyator ishlab chiqaruvchi CATL kompaniyasi bilan hamkorlik qildi. Ular birgalikda Glacier Battery nomli batareyani yaratishdi. Ishlab chiquvchilar bu batareyani "inqilobiy avtonomlik" deb aytishmoqda. Glacier Battery sig‘imi 6100 mA/soatni tashkil etadi, bu esa odatiy 5000 mA/soatlik batareyaga qaraganda 22% ko‘proq. Shu bilan birga, yangi batareya 3% kichikroqdir. U 100 Vt tez zaryadlashni qo‘llab-quvvatlaydi, ya'ni 1% dan 100% gacha zaryadlash uchun 36 daqiqa kerak bo‘ladi.

4 yil davomida batareya umumiy sig‘imidan 20% dan ko‘prog‘ini yo‘qotmasligi kafolatlanadi. Faol foydalanishda esa 2 kunlik ishlash imkoniyatini beradi.

OnePlus Ace 3 Pro ning yana bir muhim xususiyati — ikki tomonlama oltin antennalar bo‘lib, ular signalni inson tanasi orqali ham o‘tkazadi. Bu esa aloqa barqarorligini ta’minlaydi, ya'ni antennani qo‘l bilan yopish yoki yo‘qligi muhim emas, signal baribir yaxshi saqlanadi.

OnePlus Ace 3 Pro yuqori unumdorligini Snapdragon 8 Gen 3 chipi bilan ta’minlaydi. Qizib ketish muammosi 9126 kv.m. maydonli bug‘lash kamerasi bilan sovutish tizimi qo‘shilgan.

OnePlus Ace 3 Pro xususiyatlari:

Ekran: 6,78 dyuym, LTPO AMOLED, 1264×2780, 1-120 Gts;
Protsessor: Qualcomm Snapdragon 8 Gen 3
Xotira: 12/16/24 GB operativ, 256/512 GB va 1 TB doimiy;
Batareya: 6100 mA/soat, 100 Vt tez zaryadlash;
Kameralar: asosiy 50 MP (f/1.8, Sony IMX890, OIS), keng burchakli 8 MP, makro 2 MP, old 16 MP.
OS: Android 14;
O‘lchamlar: 163,3 x 75,27 x 8,69 mm, 207 g.

Boshqa xususiyatlar: IP65 suv va changdan himoya, ekranga o‘rnatilgan barmoq izi skaneri, stereo dinamiklar, yomg‘ir ostida ishlash imkoniyatiga ega displey, stereo dinamiklar va tinchlik rejim tugmasi.