Kamroq kamera va kichikroq hajm: Sony Xperia 5 V ixcham sub-flagmani

Smartfon

04 sentabr, 10:05

Smartfon asosiy sensorli kamera tizimiga ega boʻlib, telefoto linzasiz ishlab chiqilgan.

Smartfon 120 Gts chastotali va tomonlar nisbati 21:9 boʻlgan 6,1 dyuymli FHD + OLED ekran va displey tepasida hamda ostida joylashgan old stereo dinamiklar bilan jihozlangan.

Sony Xperia 5 Vʼni Snapdragon 8 Gen 2 bir chipli tizimi, shuningdek, microSD karta sloti yordamida kengaytirilishi mumkin boʻlgan 8 Gb tezkor va 128 Gb ichki flesh-xotira bilan kuchaytirilgan.

Smartfondagi 3,5 mm naushnik sloti bugungi kunda telefonlarda kamdan-kam uchraydi.

Sony uchta kameradan voz kechib, qoʻsh kameraga oʻtdi. Xperia 5 V Xperia 1 V bilan bir xil 1/1,35 dyuymli 52 megapikselli asosiy sensorga ega. U 12 megapikselli tasvirlarni oladi. Shuningdek, sifatni yoʻqotmasdan 2x kattalashtirishingiz mumkin.

Ikkinchi kamera 12 megapikselli 1/2,5 dyuymli ultra keng burchakli kameradir. 12 megapikselli old kamera selfi uchun xizmat qiladi.

Telefon avvalgisidan 11 gramm ogʻirroq va bir oz qalinroq, lekin biroz kaltaroq. Xperia 5 V qisqarib borayotgan ixcham flagmanlar turiga kiradi va Samsung Galaxy S23 va yaqinlashib kelayotgan Apple iPhone 15 va 15 Pro bilan raqobatlasholadi.

5000 mA/soat quvvatga ega akkumulyatorni 30 Vt quvvatga ega zaryadlash moslamasi yordamida 30 daqiqada 50% gacha zaryadlash mumkin, ammo u smartfon bilan birga sotilmaydi.