HTC U24 Pro: OLED ekran, 50 MP kamera va uning qimmat narxi

Bilamizki HTC anchadan beri yangi telefonlar chiqarmayapti, shuning uchun har bir yangi modelining chiqishi katta voqea hisoblanadi. Bu gal brend HTC U24 Pro modelini taqdim etdi. Bu o‘rta darajadagi qurilma, Telefon Snapdragon 7 Gen 3 processori bilan ishlaydi., lekin narxi ancha yuqori:

- 12 GB operativ xotira va 256 GB xotira hajmiga ega asosiy versiyasi 585 dollarga baholanadi,

- eng kuchli modeli 12/512 GB esa 650 dollarga sotiladi.

Xitoyda bu narxda ancha kuchli flagman telefonlar ham sotiladi.

HTC U24 Pro telefonining ekrani 6,8 dyuymli, 120 Hz tezlikda yangilanadigan OLED ekran bo‘lib, u mustahkamlangan Gorilla Glass shishasi bilan himoyalangan. Telefonning old tomonida, 50 megapikselli kamera bilan birga, qoʻshimcha maxsus yoritkich ham mavjud.

Telefonning orqa tomonida uchta kamera o‘rnatilgan:

- asosiy 50 megapikselli kamera,
- ikki marta yaqinlashtirish imkoniyatiga ega 50 megapikselli kamera
- va keng burchakli 8 megapikselli kamera.

Telefonning batareyasi 4600 mAh quvvatga ega, u 60 Vt tezlikda sim orqali va 15 Vt tezlikda simsiz zaryadlanishi mumkin. Bundan tashqari, telefon 5 Vt quvvat bilan boshqa qurilmalarni ham zaryadlay oladi.

Telefon Android 14 operatsion tizimida ishlaydi.

Yana boshqa xususiyatlari orasida standart quloqchin uchun rozetka, NFC chipi, Wi-Fi 6E va Bluetooth 5.3 adapterlari, ekranning ostidagi barmoq izlari skaneri mavjud. Smartfonning qalinligi — 8,98 mm, og'irligi — 198,7 gramm.