Dunyoning eng yaxshi kamerali smartfon — iPhone ham, Samsung ham emas

Kamerafonning narxi 845 dollardan boshlanadi, bu esa raqobatchilarinikidan ancha arzon.

Smartfonlar reytingini tuzuvchi DxOMark laboratoriyasi mutaxassislari eng yaxshi kamerali telefonlarni koʻrib chiqishdi. Bu safargi yetakchi – yanvar oyida chiqarilgan Oppo Find X7 boʻldi. Qurilma fotosuratlar va videolarni olish uchun ishonchli kamerofon deb aytilmoqda.

Oppo Find X7 smartfoni suratlarni olish borasida 156 ball va video-tasvir olish boʻyicha 156 ball — umumiy hisobda 157 ball toʻpladi. Shunday qilib, Huawei Mate 60 Pro+ bilan birga reytingda birinchi oʻrinni egalladi. Huawei P60 Pro va iPhone 15 Pro Maxʼlar esa 156 hamda 154 ball bilan undan keyingi oʻrinlarda kelgan. Google kompaniyasining eng yaxshi flagmani Pixel 8 Pro 5 talikka yakun yasagan.

Oppo Find X7 Ultra, shubhasiz, eng yaxshi mobil kameraga ega deb hisoblanadi - “uning fotosurat rejimida mutlaqo kamchiliklari yoʻq”. DxOMark mutaxassislari gadjetni suratga olishda ham, videoga olishda ham ranglarning yaxshi yetkazib berilishi, oq balansi, tabiiy xiralashgan boke effekti, tasvirlarni kattalashtirishda juda yaxshi detallar va aniq ekspozitsiyani yuqori baholashdi. Fotosuratlarga misollarni quyida koʻrish mumkin:

Huawei Mate 60 Pro+ va Oppo Find X7 Ultrani taqqoslashda, ikkinchisi, ayniqsa, tabiiy va aniq ranglar hamda barcha suratga olish sharoitlarida yuqori darajadagi detallar tufayli portret formati bilan ajralib turadi, deya xulosaga kelingan.

Eslatib oʻtamiz, OPPO Find X7 Ultra yanvar oyida chiqarilgandi. Eng yaxshi foto flagmani har biri 50 megapikselli toʻrtta sensorli va Hasselblad qoʻshimchalari bilan sifatli asosiy kameraga ega. Shuningdek, u bozorda ikkita periskop moduliga ega birinchi smartfonga aylandi.

Oppo Find X7 Ultra hozirda Xitoyning oʻzida sotuvga chiqarilgan. Narxi taxminan 985 dollargacha baholanmoqda. O‘zbekistonga hozircha kirib kelgani yo‘q.

Mavzuga oid

Soʻnggi yangiliklar

Chery Oʻzbekiston uchun yangi modellari tayyorlamoqda
Chery Tiggo 2 va Arrizo ning gibrid variantni shu yilning oʻzida sotuvga chiqarishi mumkin.
Avto
20 may, 17:26
Apple iPhone'ni koʻzlar yordamida boshqarish imkoniyatini taqdim etadi!
iOS 18 yangilanishida ko'zlar yordamida iPhone'ni boshqarish imkonini beruvchi yangi xususiyat taqdim etiladi
Smartfon
20 may, 14:59
Sony'dan yangilik: Xperia 1 VI AI kamerasi va kuchli zum imkoniyatlari bilan
Sony Xperia 1 VI, yangi avlod flagman smartfoni, o'yin, audio va displey imkoniyatlariga kuchli e'tibor qaratgan holda taqdim etildi.
Smartfon
16 may, 11:59
Apple yangi katta yangilikka muhtoj: Tim Kukda gʻoyalar tugab qolgan
Yillar davomida yangi iPhone kabi mahsulotlar boʻlmasligi aniq boʻldi. Apple apparat kompaniyasi hisoblanadi va Kuk bozorda shov-shuvli miqyosdagi boshqa mahsulotni chiqara olmadi.
Texnologiya
15 may, 18:20