2024-yilda eng yaxshi byudjetli smartfonlar xususiyatlari

Smartfon narxini pasaytirish uchun ishlab chiqaruvchilar koʻpincha instrument, ehtiyot qismlar va funksiyalarni tejashadi. Misol uchun, protsessor kuchi past boʻlishi yoki ekranning oʻlchamlari yetarlicha yuqori boʻlmasligi mumkin. Lekin baʼzi xususiyatlariga koʻra oʻrtacha narxdagi yaxshi modellarni topsa boʻladi.

Batareya va protsessor albatta eng muhim qism hisoblansada, ammo displeyga ham alohida eʼtibor berish shart boʻladi.

Bunda 2400x1080 oʻlchamdagi aniq FullHD panelli qurilmalarni tanlash tavsiya etiladi (ikkinchi — 1080 raqami odatda oʻzgarmasada, birinchi raqam tomonlar nisbatiga qarab biroz farq qilishi mumkin).

Displeylarning ikki turi mavjud: IPS va AMOLED. AMOLED ekranli vairantlar bunday byudjetdagi smartfonlar orasida kamdan-kam uchraydi, lekin ular IPS dan yaxshiroq hisoblanadi. Bunday ekranlar yuqori yorqinlik va kontrastga, shuningdek, tabiiy qora rangga ega. Shuning uchun, agar siz AMOLED displeyli va yangilanish tezligi 90 yoki 120 Gts boʻlgan byudjet smartfoniga duch kelsangiz, qidirganingizni topdingiz deb hisoblayvering. Agar unaqasini topolmasangiz ham qaygʻuga hojat yoʻq: 120 Gts chastotali IPS matritsali koʻrsatkichga ega smartfonlar ham ajoyib variant.

Optimal ishlashi uchun smartfon Snapdragon 685 (yoki 680) va MediaTek Helio G99 (yoki G96) chipsetlarga ega telefonlarni tanlang. Bu qimmatroq modellarga ham qoʻyiladigan talablardan hisoblanadi.

Snapdragon 680 — eng mashhur protsessorlardan biri. Uni koʻpincha byudjetli Xiaomi va Samsungʻda topish mumkin. Bunday protsessor juda ham kuchli boʻlmasligi mumkin, lekin u qurilmaning barqaror ishlashi,yoki minimal sozlamalardagi oʻyinlar uchun yetarlidir.

2024-yilda, albatta, xotira eng muhim xususiyatlardan biri hisoblanadi, chunki telefondagi ilovalar va oʻyinlar tobora koʻproq joy talab qilmoqda. Messenjerlarning keshini oʻzi bir necha oʻnlab Gb xotirani egallashi mumkin.

Saqlash turi qandayligiga ham ahamiyat berish kerak boʻladi, masalan, UFS 2.2 (yoki 2.1) yaxshi, eMMC 5.1 esa sekin ishlaydi va eskirgan hisoblanadi.

RAM esa 6 GB dan boshlanishi tavsiya qilinadi.

Kamera. Barcha byudjet telefonlari deyarli bir xil tasvirga oladi. Baʼzi qurilmalarning yagona sezilarli afzalligi — keng burchakli linzalarning mavjudligi. Ammo hatto eng byudjetli Android kamerasi ham Google dasturi bilan yangilanishi mumkin.

Batareya. Bugungi kunda deyarli byudjetli telefonlar 5000 mA/soat koʻrsatkichli batareya bilan jihozlangan. Shunday boʻlsa ham, bunday koʻrsatkichga ega telefonlarning hammasi har xil ishlashi mumkin. Buning sababi —hozirda apparat va dasturiy taʼminot oʻrtasidagi optimallashtirish muhimroq rol oʻynaydi.

Stereo. Byudjet segmentidagi smartfonlarda stereo tovush deyarli farq qilmaydi.

Aksariyat mutaxassislar Redmi Note 12 4G ni ideal byudjetli Android telefoni deb atashadi. U Full HD+ piksellar soniga ega 120 Gts chastotali AMOLED ekran, Snapdragon 685 protsessori, 128 Gb xotira va 33 Vt quvvatlantirishga ega.

Poco M5s — boshqa yana bir byudjetli telefon. Shuningdek, u tiniq AMOLED displeyga ega va MediaTek Helio G95 protsessoriga ega hamda 13 megapikselli selfi kameraga egaligi bilan oʻz segmentidagi koʻpchilik raqobatchilardan ustun keladi.