120 Gts OLED ekranli Xiaomi Redmi Note 13R Pro smartfoni sotuvga chiqdi
22 noyabr, 13:03Hamyonbop, super quvvatli batareyaga ehtiyoji boʻlmaganlar uchun ajoyib variant sifatida Xiaomiʼning soʻnggi oʻrta sinf smartfoni — Redmi Note 13R Proʻni tavsiya qilamiz.
Redmi Note 13R Proʻning ustunlik jihatlaridan gaplashadigan boʻlsak, u 2400x1080 pikselli yuqori sifatli tasvirlarni taqdim etuvchi ultra yupqa ramkali 6,67 dyuymli OLED displeyi bilan raqobatchilardan ajralib turadi.
Ekran silliq va sezgir boʻlib, tasvirlarni koʻrish uchun 60/90/120 Gts yangilanish va 2160 Gts tezkor sensor tezligini qoʻllab-quvvatlaydi.
Arzon narxni ilgʻor texnologiyalar bilan uygʻunlashtirgan holda, qurilmaning narxi 12/256 GB versiyasi uchun atigi 289 dollar. Smartfon hozircha O‘zbekistonga kirib kelmagan.
Smartfon, shuningdek, maksimal chastotasi 2,4 gigagertsli MediaTek Dimensity 6080 protsessori bilan jihozlangan. Bunga qoʻshimcha ravishda, Redmi Note 13R Pro 33 Vt tez zaryadlashni qoʻllab-quvvatlaydigan 5000 mA/soat koʻrsatkichli batareyaga ega.
Smartfon kamerasiga kelsak, u 100 megapikselli asosiy kamera va qoʻshimcha 2 megapikselli, shuningdek, 16 megapikselli old sensorli kamera bilan jihozlangan.
Mavzuga oid
Soʻnggi yangiliklar
16 may, 11:59
15 may, 18:20
14 may, 12:29
14 may, 06:57
