Xiaomi AirPods Pro dizayniga o‘xshash, juda arzon narxdagi simli naushniklarini ishlab chiqardi

Xiaomi, ko‘p shov-shuv ko‘tarmay, Type-C Headphones deb atalgan simli naushniklarni taqdim etdi. Ular tashqi ko‘rinish jihatidan AirPods Pro'ga o‘xshab ketadi.  Biroq, ko‘p boshqa o‘xshash naushniklardan farqli o‘laroq, bu naushniklar qurilmalarga an'anaviy 3,5 millimetrli ulagich orqali emas, zamonaviy USB-C ulagichi orqali ulanadi.

Naushniklar 12,4 millimetr o‘lchamdagi drayverlar bilan ta'minlangan va IP54 standartiga muvofiq suv hamda chang ta'siridan himoyalangan. Ularning boshqaruv pultida mikrofon mavjud bo‘lib, shuningdek ovoz balandligini sozlash, qo‘shiqlar orasida almashtirish va qo‘ng‘iroqlarni qabul qilish uchun uchta tugma joylashtirilgan.

Xiaomi Type-C Headphones qora va oq ranglarda mavjud. Ular Tayvanda 125 Tayvan dollari narxida (taxminan 52 000 so‘m) sotuvga chiqarilgan.