Matn yozish tezligini tekshirishning 6 ta oddiy yoʻli

Klaviatura donalariga qarab yozasizmi yoki yoʻqmi — bu muhim emas, muhimi — tez yozish deyarli har qanday kompyuter foydalanuvchisi uchun zarurdir. Samarali ishlash uchun harf terish tezligi daqiqasiga 200-250 belgi va undan yuqori boʻlishi kerak.

Tekshirish uchun xizmatlardan birini oching va testlarni ishlab koʻring. Qoidaga koʻra, siz A4 varaqning uchdan bir qismidagi matnni klaviaturada yozishingiz yoki ekrandagi soʻzlarni bir daqiqada terishingiz kerak. Oxirida siz bir daqiqada nechta belgi/soʻz yozishingiz tezligini, shuningdek, xatolaringiz foizini bilib olasiz.

Koʻp sozlamalarga ega juda yaxshi test. Bunda tilni, test rejimini, ishlatiladigan soʻzlarning chastotasini, vaqtni, mavzularni, muqobil tartiblarni va boshqalarni tanlash mumkin. Test yakunida, Monkeytype tezlik grafigi, daqiqada soʻzlar va belgilar hamda qoʻshimcha maʼlumotlarni koʻrsatadi. Shuningdek, butun dunyo boʻylab foydalanuvchilar tezligi va jadvali mavjud.

Tanlash uchun uchta rejim mavjud: “soʻzlar”, “vaqt” va “iqtiboslar”. Siz uchta qiyinchilik darajasidan birini va test muddatini belgilashingiz hamda tinish belgilarini yoqishingiz mumkin. Shu bilan birga, xatolarga yoʻl qoʻyilgan soʻzlarni toʻgʻri yozishni alohida mashq qilish ham mumkin.

Koʻp tillarni, shu jumladan rus tilini ham tanlash mumkin. Tekshirish odatiy va murakkabroq rejimda amalga oshiriladi, davomiyligini sozlamalardan tanlash mumkin. Natija bir daqiqada nechta terilganiga qarab koʻrsatiladi. Roʻyxat orqali boshqa foydalanuvchilarga nisbatan qanchalik tez yozishingizni taqqoslashingiz ham mumkin.

Birinchi rejimda siz qanchalik tez yozayotganingizni aniqlashingiz, ikkinchisida esa — qanchalik aniq: har bir tugma uchun notoʻgʻri bosishlar statistikasi koʻrsatiladi.

Mashhur klaviatura trenajyori testi. Siz matnning bir qismini yozishingiz kerak, shundan soʻng xizmat daqiqasiga oʻrtacha va maksimal tezlikni, xatolar soni va foizini, shuningdek, sarflangan vaqtni koʻrsatadi.

Minimalistik dizaynga ega yana bir oddiy test, test natijasida daqiqada kiritilgan soʻzlar va belgilar sonini, shuningdek kiritishning aniqligini koʻrsatadi. Matn sifatida klassik filmlardan olingan iboralar ishlatiladi. Sozlamalar fragment hajmini 100 dan 500 belgigacha oʻzgartirish va toʻqqizta variantdan birini tanlash imkonini beradi.

Avvalroq Giglink.uz internet tezligini tekshirish uchun manbalarni keltirib o‘tgandi.