O‘zbekistonlik avtobloger atigi 3 000 dollar turuvchi zamonaviy elektromobilni ko‘rsatdi

Xitoyda istiqomat qiluvchi o‘zbekistonlik avtobloger Choynakning Qopqog‘i o‘zining instagramdagi sahifasida mitti elektromobilni namoyish qildi.

Blogerning ta’kidlashicha, mashina o‘lchamlari taxminan Tiko mashinasiga teng. Ammo faqatgina hajmi jihatidan Tikoga o’xshaydigan mazkur zamonaviy mittimobilning narxi 3 000 dollar.

Bu pulga siz 110 kilometr zahira masofasi, sensor ekraniga ega zamonaviy jihozlar, Start/Stop tizimi, elektr oyna ko‘targichlari va anchayin ravon boshqaruvga ega bo‘lasiz.

Mutaxassis hatto mashina tezlikni pasaytirish lozim bo‘lgan joylardan xotirjam o'tishini va bu hatto sezilmasligini ham ta'kidladi.

Maksimal tezlig 45 km/soat. Sig‘imi: haydovchi bilan hisoblaganda 4 kishi. Mashina haqiqatan ham juda qiziqarli va ixchamligi bilan e'tiborni tortadi.