Chevrolet Onix Premium seriyasi koʻrinishi va opsiyalari maʼlum qilindi

Oʻzbekistonda 2022-yil 1-noyabrida sotuvga chiqarilgan Chevrolet Onix avtomobillarining Premium seriyalarini ham ishlab chiqarish boshlandi.

UzAuto Motors AJ

Premium komplektatsiyalarda boshqa modellarda boʻlmagan opsiyalar – lyuk, orqa oʻrindiqni isitish, klimat kontrol, yarimavtomat toʻxtash va boshqa qulayliklar bor, xabar bergan Kun.uz nashri.

"UZAUTO MOTORS" AJ telegram kanalida maʼlum qilinishicha, yangi Onix komplektatsiyasi uchun 427,6 mln dollar investitsiya kiritilgan. Onix ham Tracker kabi GM GEM (General Motors Global Emerging Markets) platformasida ishlab chiqarilmoqda.

Ayni paytda Onix uchun 200 dan ortiq korxonada 1 500 dona detal va UzAuto Motors Powertrain korxonasida dvigateli ishlab chiqilmoqda.

UzAuto Motors  AJ
UzAuto Motors AJ

Premium Onix 2 xil dvigatelga ega boʻladi:

  • 1,2 litrli 90 ot kuchiga ega atmosferali dvigatel 5 pogʻonali mexanik uzatmalar qutisi bilan jihozlangan;
  • 1,2 litrli 132 ot kuchiga ega turbo dvigatel 6 pogʻonali avtomat uzatmalar qutisiga ega.

Shuningdek, berilgan maʼlumotlarga koʻra, avtomobil 10,9 soniyada 100 km/soat tezlikka erishadi, aralash siklda 100 km uchun faqat 5,9 l va shahar tashqarisidagi yoʻlda 4,7 l sarflaydi.

UzAuto Motors  AJ
UzAuto Motors AJ

4LT komplektatsiyasi avtomobilga kalitsiz kirish (smart key) va yoqish (start/stop) tizimlari, kruiz kontrol bilan taʼminlangan.

LS komplektatsiyasidan tashqari barcha komplektatsiyalar Bluetooth, Hands-free va 8 dyuym hajmdagi sensor displeyli rusifikatsiyaga ega multimedia tizimi (Apple CarPlay va Android Auto) bilan jihozlangan.

Avtomobilning soddalashtirilgan komplektatsiyasidan tashqari barcha komplektatsiyalari signalizatsiya, konditsioner, rul kolonkasini yuqoriga va pastga hamda uzoq yaqinligini moslashtirish, haydovchi oʻrindigʻini balandligini sozlash, tezlikni cheklovchi va boshqa opsiyalarga ega.

Komplektatsiyasiga qarab, avtomobillar tepalikka koʻtarilishga yordamlashuvchi tizim, faralar oʻchishining kechiktirilishi tizimi (Follow Me Home), toʻxtash tizimi datchiklari (Park Assist) va bolalar oʻrindigʻini oʻrnatish tizimi (Isofix) bilan jihozlangan.

Barcha Chevrolet Onix avtomobillari kamida 2 ta xavfsizlik yostiqchasi hamda ABS va ESS (barqarorlikni elektron nazorat qilish) tizimi bilan jihozlangan.

Soddalashtirilgan komplektatsiyadan tashqari barcha komplektatsiyalarda tezlikni cheklovchi va shinalar bosimining monitoring tizimi bor.

2023-yilda Chevrolet Onix Premium avtomobilidagi qoʻshimcha opsiyalar:

  • klimat kontrol;
  • yarimavtomat (parallel va perpendikulyar) toʻxtash tizimi;
  • old partroniklar;
  • koʻrinishi cheklangan joylar nazorati datchigi;
  • orqa oʻrindiq isitish tizimi;
  • lyuk;
  • toʻliq svetodiod optikasi va orqa gabarit chiroqlar;
  • salonda haydovchi, old oʻrindiq va orqa oʻrindiq yoʻlovchilar uchun alohida yoritish tizimi;
  • oʻziga xos dizaynlik quyma disklar va boshqalar.

Yangi model qachon sotuvga chiqishi va narxi hozircha maʼlum qilinmagan. Maʼlumot uchun, oʻtgan yili sotuvga chiqarilgan Chevrolet Onix uchun avvaliga 9-12 ming dollarlik narxlar vaʼda qilingan, biroq 13 ming 700 dollardan 17 ming dollargacha boʻlgan qiymatda shartnoma berila boshlangandi.

Mavzuga oid

Soʻnggi yangiliklar

Xiaomi Smart Band 9 yangi fitness brasletini taqdim etdi: narxi 50$ dan arzon
Endi bir marta zaryad qilgandan keyin 21 kungacha foydalanish mumkin
Texnologiya
20 iyul, 18:04
Xiaomi 14 Ultra haqida: 2024 yilning eng yaxshi telefonlari orasida
Xiaomi 14 Ultra — bu kompaniyaning bugungi kunda taklif etayotgan eng zamonaviy smartfonidir.
Smartfon
20 iyul, 12:55
Xiaomi Lamborghini uslubidagi smartfonni namoyish etdi
Redmi va Lamborghini oʻrtasidagi hamkorlik yanada kuchaymoqda: bu ularning ikkinchi loyihasi.
Smartfon
19 iyul, 10:11
iPhone 16 sotuvlari iPhone 15ga qaraganda yaxshiroq bo‘ladi. Kamida bu iPhone 15-dan 10 foizga ko‘p.
Ular iPhone 16 ga bo‘lgan talabni oshirish uchun sun'iy intellekt xususiyatlariga ishonadi
Smartfon
14 iyul, 11:08