Chevrolet Onix krash-testda 5 yulduzga baholandi

Agar UzAuto Motors ishlab chiqarish texnologiyasini oʻzgartirmasa, Oʻzbekistonda ishlab chiqariladigan Onix ham xavfsizlik boʻyicha Chevrolet Tracker va undan qimmatroq modellardan keyin ikkinchi oʻrinda turadi.

Oʻzbekistonda yigʻilgan “Oniks”ning texnologik tuzilishi va jihozlari Braziliyadagi bilan bir xil — hattoki xavfsizlik yostiqchalari ham Oʻzbekistonga Braziliyadan yetkazib beriladi. Agar ishlab chiqarish texnologiyasi buzilmagan boʻlsa, krash-test natijalari Oʻzbekiston yigʻilishidagi avtomobillarga nisbatan ham tegishli, deb hisoblash mumkin.

Haydovchi va yoʻlovchi old tomondan toʻqnashuvda 40% ga yetarli darajada himoyalangan.

Bunda haydovchi va yoʻlovchining boʻynini jarohatlardan himoya qilish yaxshiligi koʻringan.

Haydovchining boshi oʻrtacha, yoʻlovchiniki esa yaxshi himoyalangan. Shuningdek, xavfsizlik kamarini cheklash tizimlari haydovchi va yoʻlovchining koʻkrak qafasini yaxshi himoya qildi. Xuddi shunday testda Chevrolet Tracker oʻrtacha koʻkrak qafasi himoyasini koʻrsatgandi, yaʼni, Onix natijasi, baʼzi jihatlari bilan, Trackerʼdan yaxshiroq.

Haydovchi va yoʻlovchining tizzalari asboblar paneli orqasidagi xavfli joylarga tegishi mumkinligi sababli minimal himoyalangan.

Frontal zarba paytida tananing tagligi biroz deformatsiyalangan, bu esa oyoqlar uchun umumiy qabul qilinadigan himoyani taʼminladi. Kuzov ham kutilgan shikastlanishlarni oldi va uning tuzilishi barqaror deb baholangan.

Boshqa avtomobil bilan yonma-yon toʻqnashuv: Yon xavfsizlik yostiqchalari tufayli Chevrolet Onix bosh, qorin va tos boʻshligʻini yaxshi himoya qiladi va haydovchi hamda yoʻlovchining koʻkragini yetarli darajada himoya qiladi.

Biroq, qattiq monolit toʻsiqqa (masalan, ustunga) urilganda yoʻlovchining koʻkragi yomon himoyalangan, ammo boshi, oshqozoni va tos suyagi yaxshi himoyalangan.

Tracker ham ushbu testda eng yaxshi natijalarni koʻrsatgandi.

3 yoshli bolalar oʻrindigʻi ISOFIX himoyalari va tayanch oyogʻi bilan orqaga qarab oʻrnatilgan hamda old tomondan zarbadan yaxshi himoyalangan.

Onix salonda bolalarni himoya qilish borasida 5 yulduzga ega boʻldi, standart sifatida ikkala orqa tashqi oʻrindiqlarda yuqori bogʻlangan ISOFIX himoyasi mavjud.

Yuqorida taʼkidlaganimizdek, Onixʼni Oʻzbekistonda ishlab chiqarishda General Motors standartlari buzilishi kuzatilmasa, u UzAuto Motors tomonidan ishlab chiqarilgan eng xavfsiz avtomobillardan biri hisoblanadi va bu borada Chevrolet Trackerʼdan keyin ikkinchi oʻrinni egallaydi.

Eslatib oʻtamiz, bunday yuqori xavfsizlik parametrlarini taʼminlash uchun haydovchi va yoʻlovchilar himoya qoidalariga amal qilishi kerak.

Lekin Oʻzbekistonda keng tarqalgan xavfsizlik kamari biriktirgichlaridan (заглушка) foydalanilsa, haydovchi yoki yoʻlovchi kamar taqilmagan holatda ochilgan havo yostigʻi tufayli qoʻshimcha jarohatlar olishi mumkin.

Avvalroq Chevrolet Tracker halokatga chidamlilik testidan 5 ballga baholangandi.