Chevrolet Bolt elektromobili bir quvvatlanishda 900 kilometrdan ortiq masofani bosib oʻtdi

Avto

20 may, 10:11

GM konsernining Braziliya boʻlimi Chevrolet Bolt elektromobilining maksimal masofasini aniqlash boʻyicha tajriba oʻtkazdi.

Standart 68 kilovattli akkumulyator bilan u 901,8 kilometr masofani bosib oʻta oldi — bu rasman eʼlon qilingan koʻrsatkichdan ikki baravar koʻp. Biroq, Autoevolution nashrining aytishicha, poyga, aslida, laboratoriya sharoitida oʻtkazilgan.

AQShning EPA sertifikatlash maʼlumotlariga koʻra, elektromobil bir quvvatlanishda atigi 247 mil yoki 397 kilometr yoʻl bosib oʻtadi. GM do Brasil esa oʻz tajribasini Cruz Alta poligonida oʻtkazayotgan edi.

Profillangan yuqori tezlikdagi oval, maʼlum sharoitlarda avtomobilga butunlay tekis boshqariladigan gʻildiraklar bilan harakat qilish imkonini beradi — yaʼni buni kuchaytirgichga energiya sarflamasdan hamda shinalar yuzasida ishqalanishsiz amalga oshirgan.

Bundan tashqari, poyga oʻrtacha 35 km/soat tezlikda oʻtkazildi, bu elektromobilning standart ish sharoitlari uchun real koʻrsatkich hisoblanmaydi. Chevrolet Bolt faqatgina haydovchilarni almashtirish uchun toʻxtatilgan.

Chevrolet kompaniyasining oʻzi ham sotuvlar sustligi, ham bozor koʻproq texnologik modellarni talab qilayotgani tufayli yaqin kelajakda Boltlar seriyasi butunlay sotuvdan olib tashlashni rejalashtirmoqda.

Bolt kuzda debyut qilinadigan yangi Equinox krossoveri bilan almashtirilishi kutilmoqda, u Boltdan biroz kattaroq boʻlib, taxminan 3 000 dollarga qimmatroq boʻladi.

Avvalroq braziliyalik Chevrolet’ning boshqa bir modeli — Tracker halokatga chidamlilik testida 6 balldan yuqori 4 ballga baholangan edi (video).