13 dyuymli MacBook Pro dizayni nihoyat yangilanadigan bo‘ldi

Texnologiya

15 aprel, 18:15

13 dyuymli MacBook Pro dizayni 2016-yildan beri yangilanmagan boʻlsa-da, Bloomberg muxbiri Mark Gurman bugun noutbuk Apple kompaniyasi yangilangan modeli boshqa yangi Mac kompyuterlari bilan birga ishlab chiqayotganini aytdi.

Xabarda yangi 13 dyuymli MacBook Pro tashqi koʻrinishi haqida qoʻshimcha maʼlumotlar berilmagan, shuning uchun noutbuk tashqi dizayndagi oʻzgarishlarga qay darajada boʻlishi hozircha nomaʼlum.

Oldinroq 13 dyuymli MacBook Proʻda Apple M3 chipi oʻrnatilishi haqida insayderlar maʼlum qilgan edi. Noutbukning qachon chiqarilishi hozircha aniq emas, lekin katta ehtimol bilan 2023-yilning oxirida chiqariladi.

Insayder Gurmanning Macrumors nashriga bergan ma’lumotlariga koʻra, Apple, shuningdek, M2-ekvivalent protsessorga ega 15 dyuymli kattaroq MacBook Air, yangilangan 13 dyuymli MacBook Air, yangi 24 dyuymli iMac va silikon asosidagi Apple Mac Pro Tower ustida ishlamoqda. Shuningdek, uning qoʻshimcha qilishicha, M3 Pro va M3 Max chiplariga ega 14 dyuymli va 16 dyuymli MacBook Pro modellari va nihoyat, 2024-yilning birinchi yarmida chiqariladi.