Apple kompaniyasining sobiq dizayneri kaftida proyeksiyasi bor aqlli gadjetni namoyish etdi

Texnologiya

22 aprel, 08:12

Apple kompaniyasining sobiq xodimlari Imran Chaudri va Betani Bonjorno “Humane” startapining taqiladigan qurilmasini taqdim qildi. Gadjet smartfonga ulanmaydi, aksincha, shunchaki kiyimga taqiladi va shaxsiy yordamchi sifatida ishlatiladi.

Gadjet

qoʻngʻiroqlarga javob berish imkonini beradi;

turli ovozli yordamchilar, jumladan, “Google Assistant” bilan ishlaydi;

kalendar va elektron xatlar asosida kunlik reja tuzadi;

ovozni saqlab qolgan holda iboralarni tarjima qiladi;

oʻrnatilgan kamera va sunʼiy intellektdan foydalanib, u doʻkondagi mahsulotlarni foydalanuvchining parheziga koʻra moslashtirishga yoki obyektni aniqlashga asoslangan boshqa funksiyalarni qoʻllashga yordam beradi.

Qurilmaning demo versiyasi TED konferensiyasida namoyish etildi. Chiqarilish sanasi haqida hali hech qanday maʼlumot yoʻq. Startap 230 million dollar jalb qilgan. Investitsiya qilganlar orasida Microsoft, Volvo Cars Tech Fund, Qualcomm Ventures va OpenAI bosh direktori Sem Altman bor.

Avvalroq Xiaomi imo-ishoralar bilan boshqariladigan Mijia Pipi smart lampasini ishlab chiqqan edi.